മമ്മൂട്ടിയുടെ ജനപ്രിയ കഥാപാത്രങ്ങളില്‍ ഒന്നായ കോട്ടയം കുഞ്ഞച്ചന്‍റെ രണ്ടാം ഭാഗം വരുന്ന കാര്യം കഴിഞ്ഞ ദിവസമാണ് പ്രഖ്യാപിച്ചത്. ആട് 2വിന്‍റെ സംവിധായകന്‍ മിഥുന്‍ മാനുവല്‍ തോമസ്‌ സംവിധാനം ചെയ്യുന്ന ചിത്രം നിര്‍മിക്കുന്നത് നടനും ഫ്രൈഡേ ഫിലിംസിന്‍റെ സാരഥിയുമായ വിജയ്‌ ബാബുവാണ്. ഡെന്നിസ് ജോസഫിന്‍റെ തിരക്കഥയില്‍ ടി എസ് സുരേഷ് ബാബു സംവിധാനം ചെയ്ത് 1990ല്‍ പുറത്തിറങ്ങിയ കോട്ടയം കുഞ്ഞച്ചന്‍ അക്കാലത്തെ ഏറ്റവും വലിയ ഹിറ്റായിരുന്നു. ആ കഥാപാത്രത്തിന്‍റെ തിരിച്ചു വരവ് ആരാധകര്‍ ആവേശത്തോടെയാണ് സ്വീകരിച്ചത്.
മമ്മൂട്ടിയുടെ മറ്റൊരു മാസ് ചിത്രമായ ബിഗ്‌ ബിയിലെ നായകനും താമസിയാതെ പുനരവതരിക്കും എന്ന വാര്‍ത്ത നേരത്തെ പുറത്തു വന്നിരുന്നു. ബിലാല്‍ എന്ന് പേരിട്ടിരിക്കുന്ന സിനിമയുടെ ചിത്രീകരണം ഈ വര്‍ഷം അവസാനത്തോടെ തുടങ്ങുമെന്ന് സംവിധായകന്‍ അമല്‍ നീരദ് സ്ഥിതീകരിച്ചു. ബിഗ്‌ ബി അദ്ദേഹത്തിന്‍റെ ആദ്യ സിനിമയായിരുന്നു. ദുല്‍ഖര്‍ സല്‍മാന്‍ നായകനായ സിഐഎയാണ് അമല്‍ നീരദ് ഒടുവില്‍ സംവിധാനം ചെയ്ത സിനിമ.
Post Your Comments