ബോളിവുഡിലെ ഖാന്‍ ത്രയങ്ങളില്‍ പ്രധാനിയാണ്‌ ആമിര്‍ഖാന്‍. രാജ്യത്തിനകത്തും പുറത്തും ഏറെ ആരാധകരുള്ള നടന്‍ കഥാപാത്രങ്ങള്‍ക്ക് വേണ്ടി ചെയ്യുന്ന ആത്മ സമര്‍പ്പണത്തിന്‍റെ പേരില്‍ മിസ്റ്റര്‍ പെര്‍ഫെക്ഷനിസ്റ്റ് എന്നാണ് ആരാധകര്‍ക്കിടയില്‍ അറിയപ്പെടുന്നത്.
ഇന്ന് അമ്പത്തിമൂന്നാം പിറന്നാള്‍ ആഘോഷിക്കുന്ന ആമിറിന്‍റെ അടുത്തതായി പുറത്തിറങ്ങുന്ന സിനിമ തഗ്സ് ഓഫ് ഹിന്ദുസ്ഥാന്‍ ആണ്. ഇന്ത്യന്‍ സ്വാതന്ത്ര്യ സമര പശ്ചാത്തലത്തില്‍ ഒരുങ്ങുന്ന ചിത്രത്തിലൂടെ ആമിറും അമിതാഭ് ബച്ചനും ആദ്യമായി ഒന്നിക്കുകയാണ്. ഇതിനിടെയാണ് തന്‍റെ നഷ്ട സ്വപ്നത്തെ കുറിച്ച് സൂപ്പര്‍താരം മനസ് തുറന്നത്.
ശ്രീദേവിയോടൊപ്പം അഭിനയിക്കണം എന്നതായിരുന്നു ആമിറിന്‍റെ ഏറ്റവും വലിയ ആഗ്രഹങ്ങളില്‍ ഒന്ന്. മുമ്പ് നടിക്കൊപ്പം ഫോട്ടോഷൂട്ട്‌ നടത്തിയിട്ടുണ്ടെങ്കിലും ആമിറും ശ്രീദേവിയും വെള്ളിത്തിരയില്‍ ഒന്നിച്ചഭിനയിച്ചിട്ടില്ല. ഖാന്‍ ത്രയങ്ങളില്‍ അദ്ദേഹത്തിന് മാത്രമാണ് ആ ഭാഗ്യം കിട്ടാതെ പോയത്.
ആമിറിനൊപ്പം അഭിനയിക്കണം എന്ന് ശ്രീദേവിക്കും ആഗ്രഹമുണ്ടായിരുന്നു. പക്ഷെ നിര്‍ഭാഗ്യവശാല്‍ ഇരുവരുടെയും ആഗ്രഹം നടന്നില്ല.
Post Your Comments