ഇവിടെയുണ്ട് യഥാർത്ഥ മാണിക്യ മലരായ പൂവി

ഈ അടുത്ത കാലത്തായി യുവത്വം ഏറ്റെടുത്ത പാട്ടാണ് ഒമർ ലുലു ചിത്രമായ ഒരു അഡാര്‍ ലവ് എന്ന സിനിമയിലെ മാണിക്യ മലരായ പൂവി എന്ന് തുടങ്ങുന്ന ഗാനം .ആ ഗാനത്തിൽ അഭിനയിച്ച പ്രിയ വാര്യർ എന്ന യുവനടി ലോകം മുഴുവൻ ആരാധകരെ നേടി പ്രശസ്തയായി .പ്രശസ്തിയ്ക്കൊപ്പം വിവാദവും ഈ ഗാനത്തിന് പുറകേയെത്തി. ഈ ഗാനവും ചിത്രീകരണവും മതവികാരം വ്രണപ്പെടുത്തുന്നുവെന്നാരോപിച്ച് ചിലര്‍ പരാതി നല്‍കുകയുണ്ടായി.ഒമർ ലുലു സംവിധാനം ചെയ്യുന്ന ഒരു അഡാര്‍ ലവ് എന്ന ചിത്രത്തിലെ ഈ ഗാനം വർഷങ്ങളായി പ്രചാരത്തിലുള്ള ഒരു മാപ്പിളപ്പാട്ടാണ്. പരമ്പരാഗതമായ ഈ മാപ്പിളപാട്ട് ഇതിനു മുന്‍പും പല ആല്‍ബങ്ങളിലും ഇടം പിടിച്ചിട്ടുണ്ട്. ഒരു അഡാര്‍ ലവ് എന്ന ചിത്രത്തില്‍ റീമേക്ക് ചെയ്യപ്പെട്ട മാണിക്യ മലരായ പൂവി എന്ന ഗാനത്തിന്റെ തനതായ സൗന്ദര്യം ഈസ്റ്റ്‌ കോസ്റ്റിലൂടെ ആസ്വദിക്കാം.