ജനപ്രിയ നായകന്‍ ദിലീപിന്റെ അടുത്ത സിനിമയില്‍ ആരാണ് നായികയെന്നറിയാമോ ? ഞെട്ടണ്ട, മലയാളികളുടെ പ്രിയ താരം ഉര്‍വശിയാണ് കേശു ഈ വീടിന്‍റെ നാഥന്‍ എന്ന അടുത്ത ദിലീപ് ചിത്രത്തില്‍ നായികയായി എത്തുന്നത്. ഉര്‍വശിയുടെ സഹോദരി കല്‍പന ദിലീപിന്റെ നായികയായി നേരത്തെ മലയാള മാസം ചിങ്ങം ഒന്നിന് എന്ന സിനിമയില്‍ അഭിനയിച്ചിട്ടുണ്ട്. പക്ഷെ അത് അദ്ദേഹം താരമാകുന്നതിന് മുമ്പായിരുന്നു.
അമര്‍ അക്ബര്‍ അന്തോണി, കട്ടപ്പനയിലെ ഹൃതിക് റോഷന്‍ തുടങ്ങി ഹിറ്റ് സിനിമകള്‍ക്ക് ശേഷം നാദിര്‍ഷ സംവിധാനം ചെയ്യുന്ന ചിത്രമാണ് കേശു ഈ വീടിന്‍റെ നാഥന്‍. ദിലീപ് അറുപതുകാരനായി അഭിനയിക്കുന്ന സിനിമയില്‍ അദ്ദേഹത്തിന്‍റെ സഹോദരിയായി പൊന്നമ്മ ബാബുവും അഭിനയിക്കും. മിമിക്രി കാലഘട്ടം മുതലേ അടുത്ത സുഹൃത്തുക്കളാണ് ദിലീപും നാദിര്‍ഷയും. മാനത്തെ കൊട്ടാരം, എഴരക്കൂട്ടം എന്നിങ്ങനെയുള്ള സിനിമകളില്‍ ഇരുവരും
ഒന്നിച്ചഭിനയിച്ചിട്ടുണ്ടെങ്കിലും നാദിര്‍ഷ സംവിധാനം ചെയ്ത സിനിമയില്‍ ദിലീപ് ആദ്യമായാണ്‌ അഭിനയിക്കുന്നത്. കട്ടപ്പനയിലെ ഹൃതിക് റോഷന്‍റെ തമിഴ് പതിപ്പായ അജിത്ത് ഫ്രം അറപ്പുക്കോട്ടൈയുടെ ചിത്രീകരണ തിരക്കിലാണ് നാദിര്‍ഷ. കമ്മാരസംഭവം പൂര്‍ത്തിയാക്കിയതിന് ശേഷം ദിലീപ് ചെയ്യുന്ന സിനിമ പ്രൊഫ. ഡിങ്കനാണ്. അതിന് ശേഷമായിരിക്കും അദ്ദേഹം നാദിര്‍ഷയുടെ പടം ചെയ്യുക.
Post Your Comments