ലൈംഗിക പീഡനക്കേസില്‍ കുറ്റാരോപിതനായ ദക്ഷിണ കൊറിയന്‍ നടന്‍ ജോ മിന്‍ കിയെ മരിച്ച നിലയില്‍ കണ്ടെത്തി. അദ്ദേഹത്തിന്‍റെ സ്വവസതിയില്‍ ഇന്ന്പു ലര്‍ച്ചെയാണ് മൃതദേഹം കണ്ടെത്തിയത്.
ദക്ഷിണ കൊറിയയിലെ പ്രമുഖ ടിവി, സിനിമ നടനാണ് ജോ മിന്‍ കി. അദ്ദേഹം പീഡിപ്പിച്ചതായി എട്ടിലേറെ സ്ത്രീകളാണ് അടുത്തിടെ രംഗത്ത് വന്നത്. #മീടൂ ക്യാമ്പയിന്‍റെ ഭാഗമായി വന്ന വെളിപ്പെടുത്തല്‍ സിനിമ ലോകത്തെ ഞെട്ടിച്ചിരുന്നു. പീഡനക്കേസില്‍ പോലിസ് അടുത്തയാഴ്ച ചോദ്യം ചെയ്യാനിരിക്കെയാണ് ജോയുടെ ആകസ്മിക മരണമുണ്ടായത്.
ജോ സര്‍വകലാശാല അദ്ധ്യാപകന്‍ കൂടിയായിരുന്നു. വിദ്യാര്‍ഥിനികളെ പീഡിപ്പിച്ച വിവരം പുറത്തു വന്നതോടെ അദ്ദേഹത്തെ ജോലിയില്‍ നിന്ന് പിരിച്ചു വിട്ടു. തുടര്‍ന്ന് അദ്ദേഹം ഇരകളോട് ക്ഷമാപണവും നടത്തി.
1982ല്‍ അഭിനയ രംഗത്ത് വന്ന ജോ മികച്ച അഭിനയത്തിനുള്ള നിരവധി പുരസ്കാരങ്ങളും കരസ്ഥമാക്കിയിട്ടുണ്ട്.
Post Your Comments