യുവപ്രതിഭകളെ കണ്ടെത്താൻ ഇൻഡിവുഡ് ടാലെന്റ്റ് ഹണ്ട്: റെജിസ്ട്രേഷൻ ആരംഭിച്ചു

രാജ്യത്തെമ്പാടുമുള്ള പ്രതിഭകൾക്ക് അവരുടെ കഴിവുകൾ പ്രദർശിപ്പിക്കാനും ഇന്ത്യൻ സിനിമ രംഗത്തെ പ്രശസ്‌തരുമായി സംവദിക്കാനുമുള്ള സുവർണ്ണ അവസരവുമായി ഇൻഡിവുഡ് ടാലെന്റ്റ് ഹണ്ട്. ഇന്ത്യൻ സിനിമയെ അന്താരാഷ്ട്ര നിലവാരത്തിലേക്ക് ഉയർത്താനുള്ള പത്ത് ബില്യൺ യുഎസ് ഡോളർ പദ്ധതിയായ ഇൻഡിവുഡാണ് ടാലെന്റ്റ് ഹണ്ട് സംഘടിപ്പിക്കുന്നത്. സിനിമ മേഖലയിലെ മത്സരങ്ങൾക്ക് ഒരു ലക്ഷം രൂപ സമ്മാനവും സിനിമയിൽ പ്രവർത്തിക്കാനുമുള്ള അവസരം ഒരുക്കും. മറ്റ് ഇനങ്ങൾക്ക് ക്യാഷ് പ്രൈസും ആകർഷകമായ സമ്മാനങ്ങളും നൽകും ഫൈനൽ മത്സരങ്ങൾ ഡിസംബർ ഒന്ന് മുതൽ നാല് വരെ ഹൈദരാബാദിൽ നടക്കും

ആർജെ, വിജെ, ഡി, ഡോക്യുമെന്ററി, മ്യൂസിക് ബാൻഡ്, കുട്ടികളുടെ ഷോർട്ട് ഫിലിം, സോളോ മ്യൂസിക്, ഡബ്‌സ്മാഷ്, സോളോ ഡാൻസ് തുടങ്ങി പത്തൊമ്പത് ജനറൽ വിഭാഗങ്ങളിലും മത്സരങ്ങൾ നടക്കും. 5,000 മുതൽ 15,000 രൂപയാണ് ഓരോ വിഭാഗത്തിലെ ജേതാക്കൾക്കും രണ്ടാം സ്ഥാനക്കാർക്കും ലഭിക്കുക. രജിസ്റ്റർ ചെയ്യാൻ http://indywoodtalenthunt.com/ സന്ദർശിക്കുക. കൂടുതൽ വിവരങ്ങൾക്ക് ബന്ധപ്പെടുക: 9539009076.