കോളിവുഡില്‍ ഏറ്റവും ജനപ്രിയ നടന്മാരില്‍ ഒരാളാണ് അജിത്ത്. വര്‍ഷം ഒരു സിനിമ മാത്രം ചെയ്യുന്ന അദ്ദേഹത്തിന്റെ അടുത്ത സിനിമ ഏതാണെന്ന് അറിയാന്‍ ആരാധകര്‍ ആകാംക്ഷയോടെ കാത്തിരിക്കുകയാണ്. നടനും സംവിധായകനുമായ പ്രഭുദേവ ഒരുക്കുന്ന സിനിമയിലായിരിക്കും അജിത്ത് അടുത്തതായി അഭിനയിക്കുക.
ശിവ സംവിധാനം ചെയ്യുന്ന വിശ്വാസത്തിലാണ് അജിത്ത് ഇപ്പോള്‍ അഭിനയിച്ചു കൊണ്ടിരിക്കുന്നത്. അത് പൂര്‍ത്തിയായാലുടനെ അദ്ദേഹം പ്രഭുദേവയുടെ സിനിമയില്‍ ജോയിന്‍ ചെയ്യും. കെജെആര്‍ സ്റ്റുഡിയോസാണ് നിര്‍മാതാക്കള്‍.
ഇളയ ദളപതി വിജയിനെ നായകനാക്കി പോക്കിരി എന്ന മെഗാ ഹിറ്റ്‌ സിനിമ സംവിധാനം ചെയ്ത പ്രഭുദേവ പക്ഷെ അജിത്തിനോടൊപ്പം ആദ്യമായിട്ടാണ് പ്രവര്‍ത്തിക്കുന്നത്. അദ്ദേഹം നടനോട് സിനിമയുടെ വണ്‍ ലൈന്‍ പറഞ്ഞെന്നും അത് ഇഷ്ടമായ ‘തല’ പച്ചക്കൊടി കാണിച്ചെന്നുമാണ് തമിഴകത്ത് നിന്ന് പ്രചരിക്കുന്ന വാര്‍ത്തകള്‍.
തീരന്‍ സംവിധാനം ചെയ്ത എച്ച് വിനോത്, പുഷ്ക്കര്‍ ഗായത്രി, വിഷ്ണുവര്‍ധന്‍ തുടങ്ങി നിരവധി സംവിധായകരാണ് അജിത്തിന്‍റെ ഡേറ്റിനായി കാത്തിരിക്കുന്നത്.
Post Your Comments