മലയാള സിനിമാ ചരിത്രത്തില്‍ ആദ്യമായിട്ടാണ് പരാജയപ്പെട്ട ഒരു സിനിമയുടെ രണ്ടാം ഭാഗം വന്നത്. ആട് 2 എന്ന ആ ചിത്രം പോയ വര്‍ഷത്തെ ഏറ്റവും വലിയ ഹിറ്റായി മാറുകയും ചെയ്തു. ഷാജി പാപ്പനും പിള്ളേരും വീണ്ടും വരുകയാണ്, ആട് ഒരു ഭീകര ജീവിയാണ് എന്ന സിനിമയുടെ ആദ്യ ഭാഗവുമായിട്ട്.
ആട് ഒന്നാം ഭാഗം മാര്‍ച്ച് പതിനാറാം തിയതി റീ-റിലീസ് ചെയ്യും. അമ്പത്തിയൊന്ന് തിയറ്ററുകളിലാണ് സിനിമ എത്തുന്നതെന്ന് സംവിധായകന്‍ മിഥുന്‍ മാനുവല്‍ തോമസ്‌ ഫേസ്ബുക്ക് പോസ്റ്റിലൂടെ വ്യക്തമാക്കി.
ലോക സിനിമാ ചരിത്രത്തില്‍ തന്നെ ആദ്യമായിട്ടാണ് ഒരു പരാജയ ചിത്രം വീണ്ടും റിലീസ് ചെയ്യുന്നതെന്ന് നിര്‍മാതാവ് വിജയ്‌ ബാബു പറഞ്ഞു. സിനിമ തിയറ്ററില്‍ വിജയിച്ചില്ലെങ്കിലും ഡിവിഡി ഹിറ്റായി. ജയസൂര്യയുടെ നായക കഥാപാത്രങ്ങളും കൂട്ടുകാരും ആടും ജനമനസുകളില്‍ ഇടം പിടിക്കുകയും ചെയ്തു.
ഒരാഴ്ച സിനിമ തിയറ്ററുകളില്‍ ഉണ്ടാകും. ആട് 2 വന്‍ വിജയം നേടിയ സാഹചര്യത്തിലാണ് ആട് ഒരു ഭീകര ജീവിയാണ് വീണ്ടും റിലീസ് ചെയ്യുന്നത്.
Post Your Comments