കുട്ടികൾ സണ്ണിയുടെയും ഭർത്താവിന്റേതും തന്നെ; മറുപടിയുമായി സണ്ണി ലിയോൺ

ചുരുങ്ങിയ കാലംകൊണ്ട് ആരാധക ശ്രദ്ധ ഏറ്റുവാങ്ങിയ ബോളിവുഡ് താരമാണ് സണ്ണി ലിയോൺ.ഒരു പോൺ താരം എന്നതിലപ്പുറം സണ്ണി മറ്റുള്ളവരുടെ മനസ്സ് കീഴടക്കിയതിന് കാരണങ്ങൾ പലതാണ്.സണ്ണിയും ഭർത്താവ് ഡാനിയൽ വെബ്ബറും നിഷ എന്ന അനാഥകുട്ടിയെ ദത്തെടുത്ത സംഭവം ഒരുപാട് പേരെ അത്ഭുതപ്പെടുത്തി.അതുവഴി ധാരാളം ആളുകൾക്ക് താരത്തോട് ബഹുമാനം ഉണ്ടാവുകയും ചെയ്തു.

എന്നാൽ പുതിയ വാർത്ത സണ്ണി ലിയോണ്‍ ഇരട്ടകുട്ടികളുടെ അമ്മയായതാണ്. സണ്ണി ലിയോണിന് ഈ വാര്‍ത്ത വന്നതിന് പിന്നാലെ സംശയങ്ങളുമായി ആരകാധകരും എത്തി. സണ്ണി ഗര്‍ഭിണി ആയിരുന്നോ. ആയിരുന്നെങ്കില്‍ ഗര്‍ഭിണി ആണെന്നതിന്‍റെ സൂചനകള്‍ കണ്ടില്ലല്ലോ, ഇനി സ്വന്തം കുഞ്ഞുങ്ങളാണെങ്കില്‍ സണ്ണി പ്രസവിച്ചത് തന്നെയോ ഇങ്ങനെ പല സംശയങ്ങളും ചൂടുപിടിച്ചപ്പോൾ താരം തന്നെ മറുപടിയുമായി രംഗത്തെത്തി.

താനും വെബ്ബറും രണ്ട് കുട്ടികളുടെ കൂടി മാതാപിതാക്കളായിരിക്കുന്നെന്ന വാര്‍ത്ത സണ്ണി ലിയോണ്‍ ട്വിറ്ററിലൂടെയാണ് ആരാധകരുമായി പങ്കുവെച്ചത്. സണ്ണിയും ഭര്‍ത്താവ് വെബ്ബറും മൂത്ത മകള്‍ നിഷ വെബ്ബറിനുമൊപ്പം രണ്ട് ഇരട്ട കുട്ടികളേയും ചേര്‍ത്ത് പിടിച്ച് ഇരിക്കുന്ന ചിത്രമാണ് താരം പങ്കുവെച്ചത്.

2017 ജൂണ്‍ 21 നാണ് ഞാനും ഡാനിയേലും മാതാപിതാക്കളാകാന്‍ പോകുന്നെന്ന സത്യം മനസിലാക്കിയത്. വാടക ഗര്‍ഭപാത്രത്തിലൂടെയാണ് സണ്ണി ലിയോണിന് ഇരട്ടകള്‍ പിറന്നത്. രണ്ടാഴ്ച മുന്‍പാണ് കുട്ടികള്‍ ജനിച്ചത്. ദൈവം ഞങ്ങള്‍ക്കായി കരുതി വെച്ച സന്തോഷമാണ് കുട്ടികള്‍. ഈ മൂന്നു കുസൃതിക്കുടുക്കകളെ ഓര്‍ത്ത് അഭിമാനം കൊള്ളുന്ന മാതാപിതാക്കളാണ് ഞങ്ങള്‍ എന്നും സണ്ണി കുറിപ്പിൽ പറഞ്ഞു.

 

Say Hello to Noah and Asher Weber !!! #family @SunnyLeone :))))????❤️. The next chapter of life !!! Karen, Nisha , Noah , Asher Me pic.twitter.com/NymfNfSRoH

— Daniel Weber (@DanielWeber99) March 5, 2018