ബോളിവുഡ് നടി സണ്ണി ലിയോണ് ഇരട്ടക്കുട്ടികള്‍ പിറന്നു. തന്‍റെ ഇന്‍സ്റ്റാഗ്രാം പോസ്റ്റിലൂടെയാണ് അവര്‍ ആ സന്തോഷ വാര്‍ത്ത ലോകത്തെ അറിയിച്ചത്.
നേരത്തെ ഒരു പെണ്‍കുട്ടിയേ ദത്തെടുത്തിരുന്ന സണ്ണി- ഡാനിയല്‍ വെബര്‍ ദമ്പതികള്‍ക്ക് രണ്ട് ആണ്‍കുട്ടികളാണ് പുതുതായി ജനിച്ചത്. കുറഞ്ഞ സമയത്തിനുള്ളില്‍ മൂന്നു കുട്ടികളുടെ മാതാപിതാക്കളാകാന്‍ കഴിഞ്ഞതിന്‍റെ സന്തോഷം പങ്കു വച്ച സണ്ണി അതിനെ ദൈവത്തിന്‍റെ പദ്ധതി എന്ന് വിശേഷിപ്പിച്ചു.
“ആഷര്‍ സിംഗ് വെബറിനും നോഹ സിംഗ് വെബറിനും നിഷ കൌര്‍ വെബറിനുമൊപ്പം ഞങ്ങളുടെ കുടുംബം പൂര്‍ത്തിയായിരിക്കുന്നു. ഏതാനും ആഴ്ച മുമ്പാണ് കുട്ടികള്‍ ജനിച്ചതെങ്കിലും ഞങ്ങളുടെ ഹൃദയത്തിലും കണ്ണുകളിലും കാലങ്ങളായി അവരുണ്ട്. ” നടി ഇന്‍സ്റ്റാഗ്രാമില്‍ കുറിച്ചു. കൂടുതല്‍ വിവരങ്ങളൊന്നും പക്ഷെ അവര്‍ വെളിപ്പെടുത്തിയില്ല.
Post Your Comments