നടിയും മോഡലുമായ ജിലു ജോസഫിന്റെ കവര്‍ചിത്രം കൂടുതല്‍ വിവാദങ്ങളിലേക്ക്. ഗൃഹലക്ഷ്മി മാഗസിന്റെ കവര്‍ ചിത്രത്തിലാണ് ജിലു കുഞ്ഞിനു മുലയൂട്ടുന്ന ദൃശ്യം. തുറിച്ചു നോക്കരുത് ഞങ്ങള്‍ക്ക് മുലയൂട്ടണം എന്ന ടാഗ് ലൈനോടെയുള്ള ചിത്രം സോഷ്യല്‍ മീഡിയയില്‍ വ്യാപക പ്രതിഷേധത്തിനു ഇടയാക്കിയിരിക്കുകയാണ്. മുലപ്പാല്‍ ഇല്ലാത്ത നടിയുടെ ചിത്രം കാണിച്ച് മാതൃത്വത്തെ ആക്ഷേപിക്കുകയാണെന്ന തരത്തിലാണ് സോഷ്യല്‍ മീഡിയയില്‍ ഉയരുന്ന വിമര്‍ശനം. ഗൃഹലക്ഷ്മിയുടെ ഗംഭീരമായ മാര്‍ക്കറ്റിംഗ് തന്ത്രമാണിതെന്നാണ് ഭൂരിഭാഗം പേരുടെയും വിമര്‍ശനം. എന്നാല്‍ ധീരമായ നിലപാടാണ് മാസിക കൈകൊണ്ടതെന്നും ചിലര്‍ അഭിപ്രായപ്പെടുന്നു, ഏതായാലും മാഗസിന്റെ മുഖചിത്രം വലിയ രീതിയിലുള്ള വിവാദത്തിനു വഴിവെച്ചിരിക്കുകയാണ്.
Post Your Comments