ശ്രീകുമാര്‍ മേനോന്‍ സംവിധാനം ചെയ്യുന്ന രണ്ടാമൂഴം ഏറെ നാളായി വാര്‍ത്തകളില്‍ നിറഞ്ഞു നില്‍ക്കുകയാണ്. എം ടി വാസുദേവന്‍ നായരുടെ വിഖ്യാത നോവലിന്‍റെ ചലച്ചിത്രാവിഷ്ക്കാരത്തില്‍ മോഹന്‍ലാലാണ് നായകനായ ഭീമനായി എത്തുന്നത്. ലാല്‍ ഒഴിച്ചുള്ള താരങ്ങളെ കുറിച്ച് ഏറെ നാളായി സിനിമ ലോകത്ത് അഭ്യുഹങ്ങള്‍ പ്രചരിക്കുകയാണ്.
കമല്‍ ഹാസന്‍ ദുര്യോധനനായി എത്തുന്ന സിനിമയില്‍ മമ്മൂട്ടിയും പ്രധാന വേഷത്തിലുണ്ടാകുമെന്ന് ഇടയ്ക്ക് കേട്ടിരുന്നു. ഭീഷ്മരായി അമിതാഭ് ബച്ചന്‍റെയും ദ്രൗപതിയായി ഐശ്വര്യ രായുടെയും പേരുകളും കേട്ടു. ഇപ്പോഴിതാ ഹോളിവുഡ് സൂപ്പര്‍സ്റ്റാര്‍ ജാക്കിച്ചാന്‍റെ പേരാണ് സിനിമ ലോകത്ത് പുതുതായി പ്രചരിക്കുന്നത്.
രണ്ടാമൂഴത്തിലെ ഒരു പ്രധാന വേഷത്തില്‍ ജാക്കിച്ചാന്‍ എത്തുമെന്നാണ് ചില മാധ്യമങ്ങള്‍ റിപ്പോര്‍ട്ട് ചെയ്യുന്നത്. ചൈനയുടെ പശ്ചാത്തലത്തില്‍ അനൌണ്‍സ് ചെയ്ത നായര്‍സാന്‍ എന്ന മലയാള സിനിമയില്‍ കൂടി മോഹന്‍ലാലും ജാക്കിയും ഒന്നിക്കുമെന്ന് നേരത്തെ വാര്‍ത്തകള്‍
വന്നിരുന്നുവെങ്കിലും എന്തുകൊണ്ടോ ആ പ്രോജക്റ്റ് നടന്നില്ല. ഇപ്പോള്‍ രണ്ടാമൂഴത്തിലൂടെ തങ്ങളുടെ ആഗ്രഹം സഫലമാകുമോ എന്നറിയാന്‍ ആകാംക്ഷയോടെ കാത്തിരിക്കുകയാണ് ലാല്‍ ആരാധകര്‍.
തെലുഗു സൂപ്പര്‍താരം നാഗാര്‍ജുന കര്‍ണ്ണനായെത്തുന്ന രണ്ടാമൂഴത്തില്‍ അജയ് ദേവ്ഗണ്‍, മഹേഷ്‌ ബാബു എന്നിവരും അഭിനയിച്ചേക്കും. ആമിര്‍ ഖാന്‍ സിനിമയോടെ സഹകരിക്കാനുള്ള ആഗ്രഹം ഇതിനകം പ്രകടിപ്പിച്ചു കഴിഞ്ഞു. ശ്രീകൃഷ്ണനായി ആമിര്‍ ഖാന്‍, ഹൃതിക് റോഷന്‍, മഹേഷ്‌ ബാബു എന്നിവരുടെ പേരുകളാണ് പ്രധാനമായും പരിഗണിക്കുന്നത്. ആയിരം കോടി രൂപ ചെലവില്‍ ഡോ. ബി ആര്‍ ഷെട്ടി നിര്‍മിക്കുന്ന രണ്ടാമൂഴം രണ്ടു ഭാഗങ്ങളായി പുറത്തിറങ്ങും.
Post Your Comments