ഈ വര്‍ഷം മോളിവുഡില്‍ വിസ്മയം രചിക്കാനുള്ള ഒരുക്കത്തിലാണ് സൂപ്പര്‍ താരം മോഹന്‍ലാല്‍. മലയാള സിനിമയില്‍ ആദ്യമായി ഒരു ജെമോളജിസ്റ്റിന്‍റെ വേഷത്തിലെത്തുകയാണ് താരം. രത്ന ഗവേഷകനായി മോഹന്‍ലാല്‍ അഭിനയിക്കുന്ന നീരാളിയുടെ ചിത്രീകരണം പൂര്‍ത്തിയായി കഴിഞ്ഞു. വലിയ ഗ്യാപ്പിലാതെ കൃത്യമായി ഷെഡ്യൂള്‍ ചെയ്താണ് ചിത്രം പൂര്‍ത്തികരിച്ചത്. നവാഗതനായ അജോയ് വര്‍മ്മ സംവിധാനം ചെയ്യുന്ന ചിത്രം വൈകാതെ തന്നെ തിയേറ്ററുകളിലെത്തും. നദിയ മൊയ്തുവാണ് ചിത്രത്തില്‍ മോഹന്‍ലാലിന്റെ ഭാര്യ വേഷത്തിലെത്തുന്നത്. ആക്ഷന്‍ ത്രില്ലര്‍ വിഭാഗത്തില്‍പ്പെടുന്ന നീരാളി മലയാള സിനിമാ പ്രേക്ഷകര്‍ക്ക് ഒരു പുതിയ അനുഭവമാകുമെന്നാണ് അണിയറപ്രവര്‍ത്തകരുടെ പ്രതീക്ഷ.
Post Your Comments