ബോളിവുഡ് താര സുന്ദരി പ്രിയങ്ക ചോപ്ര ഇപ്പോള്‍ ഹോളിവുഡിലും താരമാണ്. കൈനിറയെ അവസരങ്ങളുമായി ഈ താരം തിരക്കിലാണ്. അമേരിക്കന്‍ ടെലിവിഷന്‍ സീരീസ് ആയ ക്വാന്റിക്കോസീരിസിന്റെ മൂന്നാമത്തെ സീസണാണ് ഇപ്പോള്‍ നടന്ന് കൊണ്ടിരിക്കുന്നത്. അഭിനയത്തിന് പുറമേ നിര്‍മ്മാണ മേഖലയിലും താരം കൈവച്ചിരിക്കുകയാണ്. സ്വന്തം പ്രൊഡക്ഷന്‍ ഹൗസിന്റെ തിരക്കുകളും പുതിയതായി കമ്മിറ്റ് ചെയ്യുന്ന ഹോളിവുഡ് പ്രോജക്ടിന്റെ കാര്യങ്ങളുമായി വിശ്രമമില്ലാതെ ഓടിക്കൊണ്ടിരിക്കുന്ന ഈ താരം ഇപ്പോള്‍ ആരാധകരെ അമ്പരപ്പിച്ചിരിക്കുകയാണ്.
കുടിച്ചു കൊണ്ടിരിക്കുന്ന വൈന്‍ ഗ്ലാസ് എടുത്ത് സ്വന്തം തലയ്ക്കടിക്കുന്ന വീഡിയോ പ്രിയങ്ക സാമൂഹിക മാധ്യമങ്ങള്‍ വഴി ആരാധകര്‍ക്കായി പങ്കുവച്ചു. ദിവസം മുഴുവന്‍ വിശ്രമമില്ലാതെ പണിയെടുക്കുന്ന ഒരു വ്യക്തിയുടെ മാനസികാവസ്ഥയാണ് താരം വിഡീയോയിലൂടെ വ്യക്തമാക്കുന്നത്. ഇതായിരിക്കും ‘നയണ്‍ ടു വൈന്‍’ വരെ പണിയെടുത്താല്‍ സംഭവിക്കുക. ആരും ഇത് വീട്ടില്‍ അനുകരിക്കാന്‍ ശ്രമിക്കരുത് എന്ന കുറിപ്പോടെയാണ് പ്രിയങ്ക വീഡിയോ പോസ്റ്റ് ചെയ്തിരിക്കുന്നത്. പ്രിയങ്ക സാമൂഹിക മാധ്യമങ്ങളില്‍ പങ്കുവച്ച വീഡിയോ വൈറല്‍ ആയിക്കഴിഞ്ഞു.
Post Your Comments