മലയാളത്തിലെ വിവാദ ഗാനം മാണിക്യ മലരായ പൂവിക്ക് ലോകമെമ്പാടും ആരാധകരാണ്.ഭാഷയുടെ അതിര്‍ വരമ്പുകള്‍ ഭേദിച്ച് പ്രശസ്തി നേടിയ ഗാനം ഇപ്പോള്‍ മുഴങ്ങുന്നത് അയല്‍രാജ്യമായ പാകിസ്താനില്‍ നിന്നാണ്. നാസിയ അമിന്‍ മുഹമ്മദ് എന്ന പാകിസ്താനി പെണ്‍കുട്ടിയാണ് ഭംഗിയായി ഈ ഗാനം ആലപിച്ചിരിക്കുന്നത്. ഇതിന് മുന്‍പ് ചമയം എന്ന സിനിമയിലെ രാജഹംസമേ എന്ന ഗാനവും വേറെയും ചില സൂപ്പര്‍ ഹിറ്റ് മലയാള ഗാനങ്ങളും ആലപിച്ച് ശ്രദ്ധേയയായ ഗായികയാണ് നാസിയ.
മലയാളി പ്രേക്ഷകര്‍ക്കുള്ള സമ്മാനമാണെന്ന് പറഞ്ഞാണ് നാസിയ ഗാനമാലപിച്ചിരിക്കുന്നത്. ഒമര്‍ ലുലുവിനും ഷാന്‍ റഹ്മാനും വിനീത് ശ്രീനിവാസനും നന്ദിയും പറയുന്നുണ്ട് നാസിയ. ഒപ്പം ഗാനരംഗത്തിലെ അഭിനേതാക്കളായ റോഷനും പ്രിയയ്ക്കും മുഴുവന്‍ അണിയറ പ്രവര്‍ത്തകര്‍ക്കും വിജയാശംസകളും അറിയിക്കുന്നുണ്ട്.ഗാനം ഇതിനോടകം സോഷ്യൽ മീഡിയയിൽ വൈറലായി മാറിയിരിക്കുകയാണ്.
Post Your Comments