രാജസേനന്റെ സംവിധാനത്തില്‍ 1993ല്‍ റിലീസ് ചെയ്ത ‘മേലെ പറമ്പില്‍ ആണ്‍വീട്’ എന്ന സിനിമയില്‍ ജഗതിയുടെ കഥാപാത്രം പറയുന്ന ഹിറ്റ് ഡയലോഗ് ഓര്‍മ്മയില്ലേ? ”വേലക്കാരിയായിരുന്നാലും നീയെന്‍ മോഹവല്ലി” എന്ന അക്കാലത്തെ ഏറ്റവും പ്രശസ്തമായ ഡയലോഗുമായി ജഗതി ശ്രീകുമാര്‍ വീണ്ടും. എന്നാല്‍ ഇത്തവണ നവാഗതനായ ഗോവിന്ദ് വരാഹയുടെ ചിത്രത്തിന്റെ ടൈറ്റില്‍ ലോഞ്ച് ആണ് നടന്‍ ജഗതി ശ്രീകുമാര്‍ നടത്തിയത്.
വേലക്കാരിയായിരുന്നാലും നീയെന്‍ മോഹവല്ലിയെന്നാണ് സിനിമയുടെ പേര്. നവാഗതനായ ഗോവിന്ദ് വരാഹയാണ് ചിത്രത്തിന്റെ രചനയും സംവിധാനവും നിര്‍വഹിക്കുന്നത്. ജി രാജു ബാബുവാണ് ചിത്രത്തിന്റെ നിര്‍മ്മാതാവ്. രാഹുല്‍ മാധവ്, ശ്രവ്യ, മധു, റിസ ബാവ, നീന കുറുപ്പ്, അസീസ്, പ്രശാന്ത് അലക്‌സാണ്ടര്‍, ഗായത്രി മയൂര, ദിശിനി, ദിലീപ്, അര്‍ജുന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. മാര്‍ച്ച് ഒമ്പതിനാണ് സിനിമയുടെ റിലീസ് തീരുമാനിച്ചിരിക്കുന്നത്.
Post Your Comments