മലയാളി പ്രേക്ഷകര്‍ ഏറെ അംഗീകരിച്ച അഭിനേത്രികളില്‍ ഒരാളായിരുന്നു നടി പാര്‍വതി. എന്ന് നിന്റെ മൊയ്തീനും ടേക്ക് ഓഫുമൊക്കെ കണ്ട പ്രേക്ഷകര്‍ പാര്‍വതിയെ വാനോളം പുകഴ്ത്തിയിട്ട് നാളുകള്‍ അധികമായില്ല. എന്നാലിപ്പോള്‍ കാര്യങ്ങള്‍ നേരെ തിരിഞ്ഞിരിക്കുകയാണ്. പാര്‍വതിയുടെ ഗാനമോ ചിത്രമോ കണ്ടാല്‍ ഡിസ്ലൈക്ക് ബട്ടനും നോക്കി നടക്കുകയാണ് ചില പ്രേക്ഷകര്‍. മൈ സ്റ്റോറിയിലെ രണ്ടാം ഗാനം എത്തിയിട്ടും പാര്‍വതിയോടുള്ള മനോഭാവത്തില്‍ മാറ്റമില്ല എന്നതാണ് സത്യം.
കസബ എന്ന ചിത്രത്തിനെതിരെയും നടന്‍ മമ്മൂട്ടിക്കെതിരെയും നടത്തിയ വിവാദ പരാമര്‍ശമാണ് പാര്‍വതിയെ കൂടുതല്‍ പ്രശ്നങ്ങളിലേക്ക് കൊണ്ടു ചാടിച്ചത്. ഫെമിനിസം തലയക്ക് പിടിച്ച നായികമാരുടെ ലിസ്റ്റിലേക്ക് പാര്‍വതിയെ പ്രേക്ഷകര്‍ തള്ളിയിട്ടതും അടുത്തിടെയാണ്.മൈ സ്റ്റോറിയിലെ ആദ്യ ഗാനത്തിന് ലൈക്കുകളെക്കാള്‍ ഏറ്റവും കൂടുതല്‍ ഡിസ്ലൈക്കുകള്‍ ലഭിച്ചുവെന്നതിനു കാരണക്കാരിയും പാര്‍വതിയാണ്. കാഞ്ചനമാലയെ ജീവന് തുല്യം സ്നേഹിച്ച അതേ പ്രേക്ഷകര്‍ തന്നെ പാര്‍വതിയോട് ഇപ്പോള്‍ പറയുന്നത് ഓട് കണ്ടം വഴി എന്നാണ്.. ഒരുപാട് പേരുടെ പ്രയത്നത്തിന്റെ ഫലമാണ്‌ സിനിമ മൈ സ്റ്റോറി ഒരു നല്ല സിനിമയെങ്കില്‍ തിയേറ്ററില്‍ ആ ചിത്രം നിറഞ്ഞോടട്ടെ.
Post Your Comments