വൈശാഖ് സംവിധാനം ചെയ്ത ‘മല്ലു സിംഗ്’ എന്ന ചിത്രത്തിലെ നായക കഥാപാത്രമാണ് ഉണ്ണി മുകുന്ദനെ പ്രേക്ഷകര്‍ക്കിടയിലെ ഹീറോയാക്കിയത്. പിന്നീടു നിരവധി സിനിമകളില്‍ ഉണ്ണി നായകനായി തിളങ്ങി എങ്കിലും അവയൊന്നും ബോക്സോഫീസില്‍ കാര്യമായ വിജയം കൊയ്തില്ല. ഇപ്പോഴിതാ തന്റെ പുതിയ ചിത്രമായ ചാണക്യ തന്ത്രത്തില്‍ പെണ്‍വേഷത്തില്‍ എത്തുകയാണ് താരം. കണ്ണന്‍ താമരക്കുളം സംവിധാനം ചെയ്യുന്ന ‘ചാണക്യതന്ത്രം’ ആക്ഷന്‍ മൂഡിലുള്ള ചിത്രമാണ്. ഉണ്ണിമുകുന്ദനെ പെണ്‍ വേഷത്തില്‍ അണിയിച്ചൊരുക്കുന്ന മേക്കിംഗ് വീഡിയോ സോഷ്യല്‍ മീഡിയയിലിപ്പോള്‍ വൈറലാണ്.
ചിത്രം ഏപ്രില്‍ 3-നു പ്രദര്‍ശനത്തിനെത്തും. അച്ചായന്‍സിന്റെ മികച്ച വിജയത്തിന് ശേഷം ശേഷം കണ്ണന്‍ താമരക്കുളം സംവിധാനം ചെയ്യുന്ന ചിത്രമാണ് ‘ചാണക്യതന്ത്രം’. തിങ്കള്‍ മുതല്‍ വെള്ളിവരെ, ആടുപുലിയാട്ടം എന്നിവയാണ് കണ്ണന്‍ താമരക്കുളത്തിന്‍റെ മറ്റുചിത്രങ്ങള്‍.
Post Your Comments