സോഷ്യല്‍ മീഡിയയില്‍ ഇപ്പോഴത്തെ ചര്‍ച്ച ഉണ്ണി മുകുന്ദന്‍ പങ്കുവച്ച ഒരു സുന്ദരിയുടെ ചിത്രമാണ്. അതീവ ഗ്ലാമറസ് ആയ ആ സുന്ദരിയെക്കുറിച്ച് കൂടുതല്‍ വെളിപ്പെടുത്തുകയാണ് നടന്‍. ‘ഇതാണ് എന്റെ നല്ലപാതി, കരിഷ്മ. ഇവളിലേക്കുള്ള എന്റെ യാത്ര അല്പം വേദന നിറഞ്ഞതായിരുന്നു..പക്ഷെ ഇപ്പോള്‍ ഇവളെ കണ്ടുമുട്ടിയപ്പോള്‍ ഞാന്‍ സമ്മതിക്കുന്നു ആ വേദനകളെല്ലാം വിലമതിക്കാനാകാത്തതാണെന്ന്..എന്നെയും കരിഷ്മയെയും അനുഗ്രഹിക്കണം’ -ഉണ്ണി ഫെയ്സ്ബുക്കില്‍ കുറിച്ചു.
താരസുന്ദരിമാരെ പോലും കടത്തിവെട്ടുന്ന ആ യുവതി സാക്ഷാല്‍ ഉണ്ണി മുകുന്ദന്‍ തന്നെയാണ്. കണ്ണന്‍ താമരക്കുളം സംവിധാനം ചെയ്യുന്ന ചാണക്യതന്ത്രം എന്ന ചിത്രത്തിനായാണ് സ്ത്രീവേഷത്തിലുള്ള ഉണ്ണിയുടെ ഈ ഗെറ്റപ് . കരിഷ്മയായി ഉണ്ണിയെ അണിയിച്ചൊരുക്കുന്ന രസകരമായ മെയ്ക്കിങ് വീഡിയോ സാമൂഹികമാധ്യമങ്ങളില്‍ വൈറല്‍ ആയിരുന്നു. ചിത്രം ഏപ്രില്‍ മൂന്നിന് തിയ്യേറ്ററുകളിലെത്തും
Post Your Comments