ഒമര്‍ ലുലു സംവിധാനം ചെയ്ത ഒരു അഡാറ് ലവ് എന്ന ചിത്രത്തിലെ ഗാനരംഗത്തിലൂടെ ജനശ്രദ്ധ നേടിയ പ്രിയ പ്രകാശ്‌ വാര്യര്‍ക്ക് ബോളിവുഡില്‍ നിന്ന് ഓഫര്‍ വരുന്നതായി സൂചന. ഒറ്റരാത്രി കൊണ്ട് ലോകം കീഴടക്കിയ കൗമാരക്കാരിയ്ക്ക് സൂപ്പര്‍ താരം ഋഷി കപൂറിന്റെ അഭിനന്ദനം. തന്റെ ട്വിറ്ററിലാണ് ഋഷി കപൂര്‍ ഈ പെണ്‍കുട്ടിയ്ക്ക് നല്ല ഭാവിയുണ്ട് എന്ന കുറിപ്പോടെ പോസ്റ്റ്‌ പങ്കുവെച്ചത്. എഴുപതുകളുടെ കാലഘട്ടത്തില്‍ മലബാര്‍ മേഖലകളില്‍ ഹിറ്റായ മാപ്പിള ഗാനമാണ് ഒമര്‍ ലുലു തന്റെ സിനിമയ്ക്കായി ഉപയോഗിച്ചത്. വിനീത് ശ്രീനിവാസന്‍ പാടിയ ചിത്രത്തിന് സംഗീതം നല്‍കിയിരിക്കുന്നത് ഷാന്‍ റഹ്മാനാണ്. മാണിക്യ മലരായ എന്ന് തുടങ്ങുന്ന ഗാനം സോഷ്യല്‍ മീഡിയയില്‍ വലിയ ഹിറ്റായി മാറിക്കഴിഞ്ഞു.
Post Your Comments