ഒരൊറ്റപാട്ടുകൊണ്ട് തരംഗമായ നടിയാണ് പ്രിയ പ്രകാശ് വാര്യര്‍. ഒമര്‍ ലുലു സംവിധാനം ചെയ്യുന്ന ഒരു അഡാര്‍ ലൗവിലെ മാണിക്യമലരായ പൂവി എന്ന ഗാനമാണ് ഇന്‍റ്റര്‍ നെറ്റിലും തരംഗമാക്കി പ്രിയയെ മാറ്റിയത്. ഇപ്പോള്‍ വരുന്ന വാര്‍ത്ത പ്രിയയുടെ പ്രതിഫലത്തെക്കുറിച്ചാണ്.
ഹാപ്പി ഡെയ്‌സിലൂടെ ശ്രദ്ധ നേടിയ നിഖില്‍ സിദ്ധാര്‍ത്ഥന്‍ നായകനാകുന്ന പുതിയ തെലുങ്ക് സിനിമയില്‍ അഭിനയിക്കാന്‍ പ്രിയയെ ചിത്രത്തിന്റെ അണിയറ പ്രവര്‍ത്തകര്‍ സമീപിച്ചുവെന്ന് ചില തെലുങ്ക് സിനിമാ സൈറ്റുകള്‍ റിപ്പോര്‍ട്ട് ചെയ്യുന്നു. പ്രിയ രണ്ട് കോടി രൂപ പ്രതിഫലം ചോദിച്ചെന്നും ഇതുകേട്ട് സംവിധായകന്‍ ഞെട്ടിയെന്നുമാണ് റിപ്പോര്‍ട്ട്. ഇതെക്കുറിച്ച് ഔദ്യോഗിക സ്ഥിരീകരണമൊന്നും ഇതുവരെയും വന്നിട്ടില്ല.
Post Your Comments