ആദ്യ ചിത്രം റിലീസ് ആകുന്നതിനു മുന്‍പേ തന്നെ യുവതാരം ദുല്ഖര് ബോളിവുഡില്‍ ചുവടുറപ്പിച്ചിക്കുകയാണ്. ദുല്‍ഖറിന്റെ ബോളിവുഡ് അരങ്ങേറ്റ ചിത്രം കര്‍വാ ജൂണ്‍ ഒന്നിന് റിലീസ് ചെയ്യും. അതിനു മുന്‍പ് തന്നെ ദുല്ഖരിന്റെ രണ്ടാമത്തെ ബോളിവുഡ് ചിത്രം അണിയറയില്‍ ചര്‍ച്ച തുടങ്ങിക്കഴിഞ്ഞു. ഇന്ത്യന്‍ ക്രിക്കറ്റ് ക്യാപ്റ്റനായാണ്‌ പുതിയ ചിത്രത്തില്‍ താരം എത്തുക.
ഇന്ത്യ ആദ്യം ലോകകപ്പ് നേട്ടം കൊയ്ത 1983ല്‍ ജനിച്ച ഒരു പെണ്‍കുട്ടി പിന്നീട് ഇന്ത്യന്‍ ടീമിന്റെ ഭാഗ്യദേവതയായി മാറുന്ന കഥപറയുന്ന ദ സോയാ ഫാക്ടര്‍’ എന്ന നോവലിനെ അടിസ്ഥാനമാക്കിയാണ് ദുല്‍ഖറിന്റെ പുതിയ സിനിമ. പ്രശസ്ത എഴുത്തുകാരി അനുജ ചൗഹാനാണ് നോവലിന്റെ രചയിതാവ്. ഇതില്‍ ഇന്ത്യന്‍ ക്യാപ്റ്റന്‍ നിഖില്‍ ഖോഡ എന്ന കഥാപാത്രമായിരിക്കും ദുല്ഖര് അവതരിപ്പിക്കുക എന്നാണ് സൂചന. സിനിമയുടെ ചിത്രീകരണം മാര്‍ച്ച്- ഏപ്രില്‍ മാസത്തോടെ ആരംഭിക്കും. ഫോക്സ് സ്റ്റാറാണ് ചിത്രം നിര്‍മ്മിക്കുന്നത്. ചിത്രത്തില്‍ സോനം കപൂറാണ് നായിക. ചിത്രത്തിനായി ഒരു മാസത്തെ ക്രിക്കറ്റ് പരിശീലനമാണ് ദുല്‍ക്കര്‍ നടത്തുന്നുവെന്നും റിപ്പോര്‍ട്ട്.
Post Your Comments