തിരക്കുകളില്‍ നിന്ന് തിരക്കുകളിലേക്ക് കുതിക്കുകയാണ് സൂപ്പര്‍ താരം മോഹന്‍ലാല്‍. അജോയ് വര്‍മ്മ സംവിധാനം ചെയ്യുന്ന നീരാളിയുടെ ലൊക്കേഷനില്‍ നിന്ന് കായംകുളം കൊച്ചുണ്ണിയുടെ സെറ്റില്‍ ജോയിന്‍ ചെയ്തിരിക്കുകയാണ് താരം. മംഗലാപുരത്ത് ചിത്രീകരണം പുരോഗമിക്കുന്ന കായംകുളം കൊച്ചുണ്ണിയുടെ ലൊക്കേഷനില്‍ ഫെബ്രുവരി 10-നാണ് മോഹന്‍ലാല്‍ ജോയിന്‍ ചെയ്തത്.
കായംകുളം കൊച്ചുണ്ണിയുടെ സുഹൃത്തായ ഇത്തിക്കരപക്കിയുടെ റോളിലാണ് മോഹന്‍ലാല്‍ ചിത്രത്തില്‍ അഭിനയിക്കുന്നത്. ഒരവസരത്തില്‍ കായംകുളം കൊച്ചുണ്ണിയുടെ രക്ഷകനായി മാറുന്ന ഇത്തിക്കരപക്കി ചിത്രത്തിലെ സുപ്രധാന കഥാപാത്രങ്ങളില്‍ ഒന്നാണ്. നിവിന്‍ പോളി നായകനാകുന്ന കായംകുളം കൊച്ചുണ്ണി നിര്‍മ്മിക്കുന്നത് ഗോകുലം മൂവിസിന്റെ ബാനറില്‍ ഗോകുലം ഗോപാലനാണ്. റോഷന്‍ ആണ്ട്രൂസ് സംവിധാനം ചെയ്തിരിക്കുന്ന ചിത്രത്തിന്‍റെ തിരക്കഥ ബോബി-സഞ്ജയ് ടീമിന്‍റെതാണ്.
Post Your Comments