സോഷ്യല്‍ മീഡിയില്‍ സമ്പൂര്‍ണ്ണ ആധിപത്യം നേടി മുന്നേറുകയാണ് ഒറ്റ ഗാനരംഗം കൊണ്ട് ശ്രദ്ധേയായ നടി പ്രിയ പ്രകാശ്‌. കണ്ണിറുക്കി യുവ ആണ്‍ഹൃദയങ്ങളെ മയക്കിയെടുത്ത ഈ കൗമാരക്കാരി ഇന്‍സ്റ്റഗ്രാമിലെ സൂപ്പര്‍ താരമായി മാറിയിരിക്കുകയാണ്. നിലവില്‍ ഇരുപത് ലക്ഷത്തോളം പേരാണ് പ്രിയയെ ഇന്‍സ്റ്റഗ്രാമില്‍ പിന്തുടരുന്നത്. മലയാളത്തിന്റെ യുവ സൂപ്പര്‍ താരം ദുല്‍ഖര്‍ സല്‍മാനെയും കോളിവുഡിന്റെ താരസുന്ദരി അനുഷ്കയെയും പിന്തള്ളിയാണ് പ്രിയയുടെ പുതിയ കുതിപ്പ്.
ഒമര്‍ ലുലു സംവിധാനം ചെയ്യുന്ന ‘അഡാര്‍ ലവ്’ എന്ന ചിത്രത്തിലെ ‘മാണിക്യ മലർ’ എന്ന ഗാനത്തിലൂടെയാണ് പ്രിയ പ്രകാശ്‌ പ്രേക്ഷകമനം കവര്‍ന്നത്, പാട്ടിറങ്ങി മിനിറ്റുകള്‍ക്കുള്ളില്‍ തന്നെ പ്രിയയുടെ പ്രകടനം ദേശീയ തലത്തില്‍ ശ്രദ്ധിക്കപ്പെട്ടത് ചിത്രത്തിന്റെ അണിയറപ്രവര്‍ത്തകരെ പോലും അതിശയിപ്പിച്ചിരിക്കുകയാണ്.
Post Your Comments