കേരളത്തിലെ യുവാക്കള്‍ ഒമര്‍ ലുലുവിന്റെ അഡാര്‍ പ്രണയത്തിനു മുന്നില്‍ കമിഴ്ന്നു വീണിരിക്കുകയാണ്. പുരികം പൊക്കിയ നായികയെ നെഞ്ചിലേറ്റിയാണ് യുവ പ്രേക്ഷകര്‍ ഒമര്‍ ലുലുവിന്റെ അഡാര്‍ ലവ് എന്ന ചിത്രത്തിലെ ആദ്യ ഗാനം സ്വീകരിച്ചിരിക്കുന്നത്. ഷാന്‍ റഹ്മാന്‍ ഈണമിട്ട് വിനീത് ശ്രീനിവാസന്‍ ആലപിച്ച അഡാര്‍ ലവിലെ പുതിയ ഗാനം കൗമാര ഹൃദയങ്ങള്‍ മനസ്സിലേക്ക് ആവാഹിച്ച് കഴിഞ്ഞു. എന്നാല്‍ ഗാനത്തിന് പിന്നാലെ എത്തിയ ചിത്രത്തിന്റെ ടീസര്‍ അത്ര നല്ല പ്രതികരണമല്ല നേടുന്നത്.
പുരികം പൊക്കിയ പെണ്‍കൊടി പ്രിയ പ്രകാശ് വീണ്ടും യുവ മനസ്സുകളുടെ ഉറക്കം കെടുത്തുമ്പോള്‍ ചിത്രത്തിന്റെ ബിജിഎമിനോടാണ് പ്രേക്ഷകരുടെ പ്രതിഷേധം. വിനീത് ശ്രീനിവാസന്‍ ചിത്രം തട്ടത്തിന്‍ മറയത്തിന്റെ ബിജിഎം ഷാന്‍ റഹ്മാന്‍ വീണ്ടും ആവര്‍ത്തിച്ചിരിക്കുന്നു എന്നാണ് പൊതുവേയുള്ള പരാതി. ചിത്രത്തിലെ നായികയായ പ്രിയ തന്നെയാണ് ടീസറിലെയും മുഖ്യ ആകര്‍ഷണം, എന്നാല്‍ ആദ്യ വരവ് പോലെ ടീസറിലെ പ്രിയയുടെ പുതിയ നമ്പര്‍ ഏറ്റില്ലെന്നാണ് പ്രേക്ഷക പ്രതികരണങ്ങളില്‍ നിന്ന് വ്യക്തമാകുന്നത്.
Post Your Comments