മോഹന്‍ലാലിന്റെ എക്കാലത്തെയും വിജയ ചിത്രമാണ് സ്ഫടികം. ചിത്രത്തില്‍ ആടുതോമയായി മോഹന്‍ലാല്‍ തര്‍ത്തു. ആടുതോമയ്ക്ക് കൂട്ടായി എത്തിയ ചെകുത്താന്‍ ലോറിയ്ക്കും ആരാധകര്‍ ഏറെയാണ്‌. ഇപ്പോള്‍ വീണ്ടും തരംഗമാകുകയാണ് ആടു തോമയുടെ ലോറി.
സ്ഫടികം സിനിമയിലൂടെ ആടുതോമായെന്ന മോഹന്‍ലാലിന്റെ കഥാപാത്രത്തെ സൃഷ്ടിച്ച്‌ പ്രേക്ഷകമനസില്‍ എക്കാലവും ഇടംനേടിക്കൊടുത്ത ഹിറ്റ് സംവിധായകന്‍ ഭദ്രന്റെ മകന്റെ വിവാഹാഘോഷത്തിലാണ് ആ ലോറി വീണ്ടും ശ്രദ്ധാകേന്ദ്രമായത്. ഭദ്രന്റെ മകന്‍ ജെറി ഭദ്രന്റെയും എറണാകുളം കമ്പക്കാലുങ്കല്‍ ഏബ്രഹാമിന്റെ മകള്‍ സൈറയുടെയും വിവാഹം കഴിഞ്ഞ ദിവസം നടന്നിരുന്നു. ഇന്നലെ ഉച്ചകഴിഞ്ഞ് പാലാ കത്തീഡ്രലില്‍ നടന്ന വിവാഹത്തിനുശേഷം പാലാ സെന്റ് തോമസ് കോളജ് സ്പോര്‍ട്സ് കോംപ്ലക്സ് ഓഡിറ്റോറിയത്തില്‍ നടന്ന റിസപ്ഷനില്‍ പങ്കെടുക്കാന്‍ വധൂവരന്മാര്‍ എത്തിയത് സ്ഫടികം സിനിമയിലെ അതേ ടാറ്റ 1210 എസ്.ഇ. ലോറിയിലാണ്.
Post Your Comments