ചിത്രീകരണം പുരോഗമിക്കുന്ന അജോയ് വര്‍മ്മയുടെ മോഹന്‍ലാല്‍ ചിത്രമാണ് നീരാളി. ആക്ഷന്‍ ത്രില്ലര്‍ മൂഡിലുള്ള കഥ പറയുന്ന നീരാളിയില്‍ ഒരു സര്‍പ്രൈസ് താരമുണ്ടാകുമെന്നു കഴിഞ്ഞ ദിവസം വാര്‍ത്തകള്‍ വന്നിരുന്നു. ചിത്രത്തില്‍ സണ്ണി ലിയോണ്‍ അതിഥി വേഷത്തിലെത്തുമെന്നായിരുന്നു ചില മീഡിയകള്‍ റിപ്പോര്‍ട്ട് ചെയ്തിരുന്നത്. എന്നാല്‍ സണ്ണി ലിയോണ്‍ അല്ല ആ സര്‍പ്രൈസ് താരമെന്നാണ് അറിയാന്‍ കഴിയുന്നത് . സണ്ണി ലിയോണ്‍ നീരാളിയില്‍ അഭിനയിക്കുന്ന വാര്‍ത്ത അടിസ്ഥാന രഹിതമാണെന്നാണ് നിലവിലെ റിപ്പോര്‍ട്ട്, എന്നാല്‍ ചിത്രത്തിലെ ഗസ്റ്റ് റോളിലെത്തുന്ന ആ സൂപ്പര്‍ താരം ആരെന്ന് അണിയറപ്രവര്‍ത്തകര്‍ പുറത്തുവിട്ടിട്ടില്ല. മോഹന്‍ലാലിന്‍റെ ഭാര്യയായി നദിയ മൊയ്തു അഭിനയിക്കുമെന്ന് നേരെത്തെ റിപ്പോര്‍ട്ടുകളുണ്ടായിരുന്നു, ചിത്രത്തിലെ മറ്റൊരു നായിക പാര്‍വതി നായരാണ്. സുരാജ് വെഞ്ഞാറമൂട് ആണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്, നീരാളിയിലെ മോഹന്‍ലാലിന്‍റെ ചുള്ളന്‍ ലുക്ക് സോഷ്യല്‍ മീഡിയ ഇതിനോടകം ഏറ്റെടുത്തു കഴിഞ്ഞു.
Post Your Comments