പ്രേക്ഷകര്‍ ആവേശത്തോടെ ആഘോഷിച്ച ചിത്രമാണ് ആട് 2. ചിത്രത്തിന്റെ വലിയ ബോക്സോഫീസ് വിജയം അണിയറ ടീമിന് പുത്തന്‍ ഉണര്‍വ്വ് നല്‍കിയിരിക്കുകയാണ്, അത് കൊണ്ട് തന്നെ ചിത്രത്തിന്റെ മൂന്നാം ഭാഗം 3-ഡിയിലൊരുക്കുമെന്നാണ് ചിത്രത്തിന്റെ നിര്‍മ്മാതാവ് വിജയ്‌ ബാബു വ്യക്തമാക്കിയിരിക്കുന്നത്. ആടിന്റെ മൂന്നാം ഭാഗം ത്രിഡിയിലെത്തുന്നത്, ഷാജി പാപ്പന്‍ ആരാധകര്‍ക്ക് ഏറെ സന്തോഷം നല്‍കുന്ന വാര്‍ത്തയാണ്. യുവാക്കളെപ്പോലെ ഒട്ടേറെ കുട്ടി ഫാന്‍സും ഷാജി പാപ്പനുണ്ട്. മികച്ച വാണിജ്യ വിജയം നേടിയ ആട് 2-വിന്റെ തുടര്‍ച്ചയ്ക്കും വലിയ വിപണന സാധ്യതയാണ് അണിയറ ടീം ലക്‌ഷ്യം വയ്ക്കുന്നത്. ത്രിഡിയില്‍ ചിത്രമൊരുക്കുമ്പോള്‍ ചെലവേറുമെങ്കിലും ചിത്രത്തിന് കൂടുതല്‍ സ്വീകാര്യത ലഭിക്കുമെന്ന വിശ്വാസത്തിലാണ് ആട് ടീം.
Post Your Comments