തെന്നിന്ത്യന്‍ താര സുന്ദരി റോമ മലയാളികളുടെ പ്രിയ നടിമാരില്‍ ഒരാളാണ്. തെലുങ്ക് ചിത്രത്തിലൂടെ വെള്ളിത്തിരയില്‍ എത്തിയ റോമ റോഷന്‍ ആന്ട്രൂസ് സംവിധാനം ചെയ്ത നോട്ട്ബുക്ക് എന്ന ചിത്രത്തിലൂടെ മലയാളത്തിലെത്തി. ദിലീപ്, പൃഥിരാജ്, ജയസൂര്യ തുടങ്ങിയവരുടെ നായികയായി തിളങ്ങിയ നടി റോമ ഇപ്പോള്‍ സിനിമയില്‍ സജീവമല്ല.
ഡല്‍ഹിക്കാരിയായ റോമയ്ക്ക് ഒരുകാലത്ത് നിരവധി ചിത്രങ്ങളില്‍ അവസരം ലഭിച്ചിരുന്നു. എന്നാല്‍ കേരളത്തിലെ വിവാദമായ ടോട്ടൽ ഫോർ യു സാമ്പത്തികതട്ടിപ്പ് കേസുമായി ബന്ധപ്പെട്ട് വിവാദത്തില്‍ ആയതോടെ താരത്തിനു അവസരങ്ങള്‍ പതിയെ കുറഞ്ഞു. സാമ്പത്തിക അഴിമതി കേസിൽ പ്രതിയായ ശബരിനാഥിന് ആഭരണം, പണം എന്നിവ നൽകി എന്നായിരുന്നു രോമയ്ക്കെതിരെയുള്ള ആരോപണം. അതുമായി ബന്ധപ്പെട്ടു കേരള പോലിസിന്റെ ചോദ്യം ചെയ്യലിന് റോമ വിധേയയായിട്ടുണ്ട്.
2005 ൽ പുറത്തിറങ്ങിയ മി. ഏറബാബു എന്ന തെലുഗു ചിത്രമാന് റോമയുടെ ആദ്യ ചിത്രം. ജൂലൈ 4, കളെഴ്സ് , ഷേക്സ്പിയര്‍ എം എ മലയാളം, ചോക്ലേറ്റ് തുടങ്ങിയ ചിത്രങ്ങളില്‍ റോമ അഭിനയിച്ചിട്ടുണ്ട്. നീണ്ട ഇടവേളയ്ക്ക് ശേഷം സത്യ എന്ന ചിത്രത്തില്‍ ഐറ്റം ഡാന്‍സ് ചെയ്തുകൊണ്ട് തിരിച്ചെത്തിയിരിക്കുകയാണ് താരം. എന്നാല്‍ മുന്‍ നിര കഥാപാത്രങ്ങള്‍ താരത്തിനു ഇപ്പ്പോള്‍ ലഭിച്ചിട്ടില്ല.
Post Your Comments