തെന്നിന്ത്യയിലെ പഴയ കാല സൂപ്പര്‍ നായികമാരെല്ലാം മോഹന്‍ലാലിന്‍റെ കാമുകിയായും ഭാര്യയായുമൊക്കെ അഭിനയിച്ചു കഴിഞ്ഞവരാണ് അതില്‍ പ്രധാനിയാണ് നദിയ മൊയ്തു, മോഹന്‍ലാലുമായി ഒരു സിനിമയില്‍ അഭിനയിക്കാനുള്ള ഭാഗ്യമേ നദിയ മൊയ്തുവിനു ലഭിച്ചുള്ളൂ.പക്ഷേ ആ സിനിമയില്‍ മോഹന്‍ലാലിനെക്കാള്‍ പ്രാധാന്യം നദിയ മൊയ്തുവിന്റെ ഗേളി എന്ന കഥാപാത്രത്തിനായിരുന്നു. ഫാസില്‍ സംവിധാനം ചെയ്തു 1984-ല്‍ പുരത്തിറങ്ങിയ ചിത്രമാണ്‌ ‘നോക്കെത്താ ദൂരത്ത് കണ്ണുംനട്ട്’.നദിയയുടെ ആദ്യ സിനിമയായിരുന്നു ഇത്. ക്രോസ്‌മോഫിന്‍ കണ്ണടവച്ച് ശ്രീകുമാറിനെ പറ്റിച്ച ഗേളി എന്ന തന്റെടി പെണ്‍കുട്ടിയെ അത്ര തന്മയത്വത്തോടെയാണ് തന്റെ കന്നി ചിത്രത്തില്‍ നദിയ മൊയ്തു അവതരിപ്പിച്ചത്.
വര്‍ഷങ്ങള്‍ക്ക് ശേഷം വീണ്ടും മോഹന്‍ലാലിന്‍റെ നായികയായി അഭിനയിക്കുമ്പോള്‍ നദിയമൊയ്തു അതിയായ സന്തോഷത്തിലാണ്. മോഹന്‍ലാലിനൊപ്പം വീണ്ടും അഭിനയിക്കാന്‍ കഴിയുന്നത് അപ്രതീക്ഷിത അനുഭവമാണെന്ന് നദിയ പങ്കുവച്ചു.
അജോയ് വര്‍മ്മ സംവിധാനം ചെയ്യുന്ന നീരാളി എന്ന ചിത്രത്തില്‍ മോഹന്‍ലാലിന്‍റെ ഭാര്യ വേഷത്തിലാണ് നദിയ അഭിനയിക്കുക
Post Your Comments