അക്ഷയ് കുമാര്‍ ചിത്രം പാഡ്മാന് പിന്തുണ അറിയിച്ച് കൊണ്ട് നിരവധി ബോളിവുഡ് താരങ്ങള്‍ നാപ്കിന്‍ കൈയ്യില്‍ പിടിച്ച് രംഗത്തെത്തിയപ്പോള്‍ പാഡ്മാന് ചലഞ്ചിനെ പരിഹസിച്ചു കൊണ്ടായിരുന്നു അവതാരകയും നടിയുമായ പേര്‍ളി മാണിയുടെ പ്രതിഷേധം, ഇതിനെതിരെ സോഷ്യല്‍ മീഡിയ വലിയ രീതിയില്‍ പേര്‍ളിയെ വിമര്‍ശിച്ചിരുന്നു.
നാപ്കിന്‍ കൈയ്യില്‍ പിടിച്ചു സോഷ്യല്‍ മീഡിയയില്‍ ചിത്രങ്ങള്‍ പങ്കുവെച്ച ആമിര്‍ ഖാന്‍ ഉള്‍പ്പടെയുള്ളവരെ പരിഹസിച്ചായിരുന്നു മൂക്കുചീറ്റല്‍ ചലഞ്ച് എന്ന പ്രഖ്യാപനവുമായി പേര്‍ളി ടിഷ്യുപേപ്പറുമായി എത്തിയത്.
ഇതിനെതിരെ പേര്‍ളിയെ പരിഹസിച്ചു കൊണ്ട് നെല്‍സണ്‍ ജോസഫ് എന്ന വ്യക്തി എഴുതിയ ഫേസ്ബുക്ക് സമൂഹ മാധ്യമങ്ങളില്‍ വൈറലാവുകയും ചെയ്തിരുന്നു.
പാഡ്മാൻ എന്ന ബോളിവുഡ് ചിത്രം ഒരു പെണ്ണിന്റെയല്ല ആണിന്റെ കഥയാണെന്നും. സ്വന്തം ഭാര്യയുടെ ഒരു വാചകത്തിൽ നിന്ന് യാത്ര തുടങ്ങിയ കോയമ്പത്തൂരുകാരൻ അരുണാചലം മുരുഗനാഥത്തിന്റെ കഥയാണ് ആ സിനിമയുടെ പ്രമേയമെന്നും നെല്‍സണ്‍ ജോസഫ് ഫേസ്ബുക്ക് പോസ്റ്റില്‍ വിശദീകരിച്ചു.
എന്തായാലും പേര്‍ളിയുടെ ആസ്ഥാനത്തുള്ള ‘മൂക്കുചീറ്റല്‍’ പരിഹാസത്തെ സോഷ്യല്‍ മീഡിയ കണക്കറ്റ് പരിഹസിക്കുകയാണ്. താരത്തെ അനുകൂലിക്കുന്ന ഒരു വിഭാഗം പേര്‍ ഉണ്ടെങ്കിലും പ്രതികൂലമായ കമന്റുകളാണ് സോഷ്യല്‍ മീഡിയയില്‍ ഏറെയും പ്രത്യക്ഷപ്പെടുന്നത്.
തനിക്കെതിരെ ഉയരുന്ന സോഷ്യല്‍ മീഡിയയിലെ വലിയ പ്രതിഷേധത്തിനെതിരെ പേര്‍ളിയുടെ ഭാഗത്ത് നിന്ന് ഇതുവരെയും പ്രതികരണം ഉണ്ടായിട്ടില്ല.
Post Your Comments