സൗത്ത് ഇന്ത്യന്‍ ചിത്രങ്ങളിലെ ഒട്ടുമിക്ക പഴയ നായിക നടിമാരെല്ലാം മോഹന്ലാലിന്റെ ഹീറോയിനായി അഭിനയിച്ചിട്ടുണ്ട്. ശോഭന, ഉര്‍വശി തുടങ്ങിയവര്‍ മോഹന്ലാലിന്റെ നായികയായി ഒട്ടേറെ ചിത്രങ്ങളില്‍ അഭിനയിച്ചിട്ടുണ്ടെങ്കിലും ശ്രീകുമാറിന്റെ സ്വന്തം ഗേളിയായി വന്നു പ്രേക്ഷകരുടെ കണ്ണ് നനയിച്ച നദിയ മൊയ്തുവിന്റെ ‘നോക്കെത്താ ദൂരത്ത് കണ്ണുംനട്ട്’ എന്ന ചിത്രത്തിലെ കഥാപാത്രത്തെ ആര്‍ക്കും മറക്കാന്‍ കഴിയില്ല.
ഫാസില്‍ സംവിധാനം ചെയ്ത ‘നോക്കെത്താ ദൂരത്ത് കണ്ണുംനട്ട്’ എന്ന ചിത്രത്തിനു ശേഷം മോഹന്‍ലാല്‍- നദിയമൊയ്തു ജോഡികള്‍ 33 വര്‍ഷത്തിനു ശേഷം വീണ്ടും മറ്റൊരു ചിത്രത്തിനായി ഒന്നിക്കുകയാണ്. അജോയ് വര്‍മ്മ സംവിധാനം ചെയ്യുന്ന ‘നീരാളി’ എന്ന ചിത്രത്തില്‍ മോഹന്ലാലിന്റെ ഭാര്യ വേഷത്തിലാണ് നദിയ അഭിനയിക്കുക. മുംബൈയില്‍ ചിത്രീകരണം പുരോഗമിക്കുന്ന ‘നീരാളി’ ആക്ഷന്‍ ത്രില്ലര്‍ ഗണത്തിലുള്ള ചിത്രമാണ്‌.
Post Your Comments