പ്രമുഖ താരങ്ങളെ അണിനിരത്തി മണിരത്നം ഒരുക്കുന്ന പുതിയ ചിത്രത്തിൽ മലയാളത്തിന്റെ പ്രിയ നടൻ ഫഹദ് ഫാസില്‍ അഭിനയിക്കുന്നുവെന്നു റിപ്പോര്‍ട്ടുകളുണ്ടായിരുന്നു. എന്നാല്‍ ചിത്രത്തില്‍ നിന്നും ഫഹദ് പിന്മാറിയെന്നു സൂചനകള്‍. ഡേറ്റില്‍ വന്ന അനിശ്ചിതത്വം കാരണം ഫഹദ് ചിത്രത്തില്‍ നിന്ന് പിന്മാറിയെന്നാണ് അറിയുന്നത്. എന്നാല്‍ പ്രതിഫല തർക്കമാണെന്നും പ്രചാരണമുണ്ട് . ചിത്രത്തിന്‍ നിന്നുള്ള ഫഹദിന്റെ പിന്മാറ്റത്തെ സംബന്ധിച്ച്‌ ഔദ്യോഗിക സ്ഥിരീകരണങ്ങളൊന്നും ഉണ്ടായിട്ടില്ല.
വിജയ് സേതുപതിയും അരവിന്ദ് സ്വാമിയുമൊക്കെ ഭാഗമാകുന്ന ചിത്രത്തില്‍ ഫഹദ് ഒരു സുപ്രധാന കഥാപാത്രമായി എത്തുമെന്നായിരുന്നു ആദ്യം പുറത്തുവന്നിരുന്ന റിപ്പോര്‍ട്ടുകള്‍. മദ്രാസ് ടാക്കീസിന്റെ ബാനറില്‍ ഒരുങ്ങുന്ന ചിത്രം നിര്‍മിക്കുന്നതും മണിരത്നം തന്നെയാണ്. എ ആര്‍ റഹ്മാന്‍ പാട്ടുകൾ ഒരുക്കുന്ന ചിത്രത്തിന്റെ ക്യാമറ കൈകാര്യം ചെയ്യുന്നത് സന്തോഷ് ശിവനാണ്.
Post Your Comments