ഈ വര്‍ഷം തന്നെ മമ്മൂട്ടിയുടെയും മോഹന്‍ലാലിന്റെയുമൊക്കെ ഡേറ്റുകള്‍ ഇനിയും ഏതെങ്കിലുമൊക്കെ നവാഗത സംവിധായകര്‍ക്ക് ലഭിച്ചേക്കാം. പക്ഷെ ഒരു സീനിയര്‍ സംവിധായകന്‍ പോലും ഹരീഷ് കണാരനെ സമീപിച്ചിട്ടു കാര്യമില്ല, കാരണം ഒക്ടോബര്‍ വരെ മലയാളികളുടെ ഇഷ്ട ഹാസ്യതാരം ഹരീഷ് കാണരന്‍റെ ഡേറ്റ് വിവിധ സംവിധായകര്‍ സ്വന്തമാക്കി കഴിഞ്ഞു. ഒരു ടിവി ചാനലിലെ അഭിമുഖ പരിപാടിക്കിടെ മാധ്യമപ്രവര്‍ത്തകന്‍റെ ചോദ്യത്തിന് മറുപടി പറയുകയായിരുന്നു ഹരീഷ് കണാരന്‍.
ഒക്ടോബര്‍ വരെ തനിക്ക് ഡേറ്റില്ലെന്ന് വ്യക്തമാക്കിയപ്പോള്‍ മമ്മൂട്ടിക്ക് പോലും സെപ്റ്റംബര്‍ വരെ ഡേറ്റ് ഉണ്ടാകാതിരിക്കൂ എന്നായിരുന്നു മാധ്യമ പ്രവര്‍ത്തകന്റെ രസം നിറഞ്ഞ മറുപടി.
ഹരീഷ് കണാരന്‍ മുഴുനീള വേഷം ചെയ്യുന്ന ശിക്കാരി ശംഭു തിയേറ്ററില്‍ മികച്ച അഭിപ്രായം നേടി മുന്നേറിക്കൊണ്ടിരിക്കുകയാണ്, ചിത്രത്തില്‍ രസികനായ ഒരു തസ്കരന്‍റെ വേഷത്തിലാണ് ഹരീഷ് അഭിനയിച്ചിരിക്കുന്നത്.
Post Your Comments