കോഴിക്കോടന്‍ ഭാഷ ശൈലിയില്‍ പ്രേക്ഷകരെ പൊട്ടിച്ചിരിപ്പിക്കുന്ന ഹരീഷ് കണാരന്‍ ഇന്നത്തെ യുവ നിരയിലെ തിരക്കേറിയ ഹാസ്യ താരങ്ങളില്‍ ഒരാളാണ് . ഹരീഷ് കണാരന്‍ ഇല്ലാത്ത മലയാള സിനിമകള്‍ ഇപ്പോള്‍ വിരളമാണ്. കുതിരവട്ടം പപ്പുവിനും മാമുക്കോയയ്ക്കും ശേഷം അസാധ്യമായ ടൈമിംഗോടെ കോഴിക്കോടന്‍ ഭാഷയില്‍ നര്‍മം വിതറുന്ന ഹരീഷ് പെരുമന്ന മലയാളത്തിലെ തന്റെ ഇഷ്ടതാരം ആരെന്നു വ്യക്തമാക്കുകയാണ്.
താനൊരു വലിയ ദിലീപ് ആരാധകന്‍ ആണെന്നായിരുന്നു ഹരീഷിന്റെ തുറന്നു പറച്ചില്‍. ദിലീപിന്റെ ഫാന്‍സ് അസോസിയേഷനില്‍ അംഗമായിരുന്നുവെന്നും താന്‍ ഓട്ടോ ഓടിച്ചിരുന്ന സമയത്ത് ഓട്ടോയുടെ പേര് ‘കൊച്ചി രാജാവ്’ എന്നായിരുന്നെന്നും ഹരീഷ് കണാരന്‍ പങ്കുവെച്ചു. ഇന്നും ദിലീപേട്ടന്‍ ഫാന്‍ തന്നെയാണ്. അതില്‍ മാറ്റമില്ല. ടുകണ്‍ട്രീസിന്റെ സെറ്റില്‍വെച്ച് ദിലീപേട്ടനോട് തന്നെ ഇക്കാര്യം പറഞ്ഞിട്ടുണ്ട്. അദ്ദേഹത്തിന് അറിയാം ഞാന്‍ അദ്ദേഹത്തിന്റെ വലിയ ആരാധകന്‍ ആണെന്ന്, ഹരീഷ് പെരുമന്ന പറയുന്നു.
കടപ്പാട് ; റിപ്പോര്‍ട്ടര്‍ ചാനല്‍
Post Your Comments