ബോളിവുഡിലെ വിവാദ നായികമാരില്‍ ഒരാളാണ് രാഖി സാവന്ത്. രാഖിയെ സംബന്ധിക്കുന്ന പുതിയ വാര്‍ത്ത എന്തെന്നാല്‍ ചുംബന രംഗവുമായി ബന്ധപ്പെട്ടുള്ളതാണ്. തന്റെ പുതിയ ചിത്രത്തിലെ ഒരു ലിപ് ലോക്ക് രംഗത്തിനായി അന്‍പതോളം റീടേക്കുകള്‍ എടുക്കേണ്ടി വന്നുവെന്ന് രാഖി പറയുന്നു. ഒടുവില്‍ ടെന്‍ഷന്‍ കൂടിയപ്പോള്‍ മദ്യം കുടിച്ചു അങ്ങനെയാണ് ആ രംഗം പൂര്‍ത്തിയാക്കിയതെന്നും ഒരു മാധ്യമത്തിനു നല്‍കിയ അഭിമുഖത്തില്‍ വ്യക്തമാക്കി. ഇങ്ങനെയൊരു അവസ്ഥ നേരിടേണ്ടി വന്നതിനു കാരണം മിഖ സിംഗ് ആണെന്നാണ്‌ താരത്തിന്റെ തുറന്നു പറച്ചില്‍. ഒരു പാര്‍ട്ടിക്കിടെ അപ്രതീക്ഷിതമായി മിഖ രാഖി സാവന്തിനെ ലിപ് ലോക്ക് ചെയ്തത് ബോളിവുഡ് മാധ്യമങ്ങള്‍ റിപ്പോര്‍ട്ട് ചെയ്തിരുന്നു. സംഭവം വലിയ വിവാദമായി മാറുകയും ചെയ്തിരുന്നു, ആ സംഭവത്തിനു ശേഷം ലിപ് ലോക്ക് രംഗങ്ങളില്‍ അഭിനയിക്കേണ്ടി വരുന്നത് ബുദ്ധിമുട്ടായി തോന്നാറുണ്ടെന്നും ആരോ ഉപദ്രവിക്കാന്‍ വരുന്നത് പോലെ അനുഭവപ്പെടുമെന്നും രാഖി പറയുന്നു.
Post Your Comments