പ്രണവ് മോഹന്‍ലാല്‍ പ്രേക്ഷകര്‍ക്കിടയില്‍ ഇത്രയും സ്വീകാര്യനായത് മോഹന്‍ലാലിന്റെ മകനായത് കൊണ്ട് മാത്രല്ല. പ്രണവിന്റെ വ്യക്തിത്വം പലരെയും ആകര്‍ഷിച്ചിരിക്കുകയാണ്. നായകനായുള്ള തന്‍റെ ആദ്യ ചിത്രത്തിന്‍റെ റിലീസ് ദിവസം പ്രണവ് ഹിമാലയത്തിലേക്കാണ് യാത്രയായിരിക്കുന്നത്. ലോക സിനിമയില്‍ തന്നെ ഇങ്ങനെയൊരു നടന്‍ ആദ്യമാകും. സ്വന്തം സിനിമ റിലീസ് ചെയ്തപ്പോള്‍ ഹിമാലയത്തില്‍ കറങ്ങാന്‍ പോയ പ്രണവിനെ അത്ഭുതത്തോടെ മാത്രമേ നോക്കി കാണനാകൂ, സിനിമയുടെ പ്രമോഷനുമായി ബന്ധപ്പെട്ട ടിവി അഭിമുഖങ്ങളെ പേടിച്ചാണ് പ്രണവിന്റെ അപ്രതീക്ഷിത ഹിമാലയന്‍ യാത്രയെന്നും റിപ്പോര്‍ട്ടുണ്ട്.
ആദി ഗംഭീര വിജയം നേടി മുന്നേറുമ്പോള്‍ പ്രണവിനെ കിട്ടാനില്ലെന്നാണ് പ്രമുഖ മീഡിയക്കാരുടെ പരാതി, അടുത്തിടെയായി പ്രണവിനെ തനിക്കും കാണാന്‍ കിട്ടുന്നില്ലെന്ന പരിഭവം ആദിയുടെ സംവിധായകന്‍ ജീത്തു ജോസഫും പങ്കുവച്ചു. ഇനി ഇപ്പോഴൊന്നും സിനിമ വേണ്ടന്നും കുറെ ദിവസങ്ങള്‍ വീട്ടില്‍ സ്വസ്ഥമായി ഇരിക്കണമെന്നും പ്രണവ് പറഞ്ഞതായി ജീത്തു ജോസഫ് റിപ്പോര്‍ട്ടര്‍ ചാനലിലെ അഭിമുഖത്തില്‍ വ്യക്തമാക്കി.
Post Your Comments