നായകനായുള്ള പ്രണവ് മോഹന്‍ലാലിന്‍റെ രംഗപ്രവേശത്തിനു ആരാധകര്‍ അക്ഷമയോടെയാണ് കാത്തിരുന്നത്. ആരാധകര്‍ക്ക് നടുവിലെ ആവേശത്തിന്റെ കൊടുമുടിയില്‍ നാളെ അവന്‍ അവതരിക്കും. ജീത്തു ജോസഫ് ചിത്രം ‘ആദി’ ഇരുനൂറോളം കേന്ദ്രങ്ങളില്‍ നാളെ പ്രദര്‍ശനത്തിനെത്തുന്നതോടെ പുതിയ ഒരു താരോദോയം മോളിവുഡില്‍ പിറവി കൊള്ളും. ചിത്രത്തില്‍ ടൈറ്റില്‍ റോളിലെത്തുന്ന പ്രണവിന്റെ വിസ്മയകരമായ ആക്ഷന്‍ രംഗങ്ങള്‍ കാണാനുള്ള കാത്തിരിപ്പിലാണ് ആരാധകര്‍.
വലിയ രീതിയിലുള്ള ആഘോഷ പരിപാടികളോടെയാണ് താരപുത്രന്റെ നായകനായുള്ള കന്നി ചിത്രത്തെ ആരാധക സംഘം വരവേല്‍ക്കുന്നത്. മോഹന്‍ലാലിന്‍റെ ഉള്‍പ്പടെയുള്ള ആരാധകര്‍ ഫാന്‍സ്‌ ഷോ സംഘടിപ്പിച്ചാണ് ചിത്രത്തിനായി കാത്തിരിക്കുന്നത്. മിക്ക കേന്ദ്രങ്ങളിലും പുലര്‍ച്ച തന്നെ ഫാന്‍സ്‌ ഷോ ആരംഭിക്കും. ചിലയിടങ്ങില്‍ ചെണ്ട മേളത്തിന്റെ ആഘോഷ ചൂടില്‍ ഫാന്‍സുകള്‍ ആദിയെ മഹോല്‍സവമാക്കും. ഇതോടെ “പ്രണവ് മോഹന്‍ലാല്‍ എന്നാണ് സിനിമയിലേക്ക്?” എന്ന പ്രേക്ഷകരുടെ വര്‍ഷങ്ങളായുള്ള ചോദ്യത്തിനാണ് പരിസമാപ്തി കുറിക്കപ്പെടുന്നത്.
താരപുത്രന്‍മാരെക്കൊണ്ട് തിങ്ങി നിറഞ്ഞ മലയാള സിനിമയിലേക്ക് പ്രണവ് കൂടി എത്തുമ്പോള്‍ മലയാളത്തിന്റെ പുതിയ യുവ നിര കൂടുതല്‍ തിളക്കമുള്ളതാകും. നായകനാകുന്ന ആദ്യ ചിത്രത്തില്‍ തന്നെ ‘പാര്‍ക്കൌര്‍’ അഭ്യാസമുറ പുറത്തെടുക്കുന്ന പ്രണവ് മോഹന്‍ലാല്‍ തിയേറ്ററില്‍ നാളെ അത്ഭുതം രചിക്കുമെന്നു തന്നെ കരുതാം….രണ്ടാം പുലിമുരുകന്റെ രംഗപ്രവേശനത്തിനായി ഇനി മണിക്കൂറുകള്‍ മാത്രം ബാക്കി..
Post Your Comments