നായകനായി ആദി എന്ന ആദ്യ ചിത്രത്തില്‍ അരങ്ങേറാന്‍ തയ്യാറെടുക്കുന്ന പ്രണവ് മോഹന്‍ലാലിന് ആശംസകളുമായി ദുല്‍ഖര്‍ സല്‍മാന്‍. പ്രണവിന്റെ കുടുംബം ആകാംഷയിലാണെന്നും പക്ഷെ, അവര്‍ക്ക് പേടിക്കാനൊന്നുമില്ലെന്നും പ്രണവ് ജനിച്ചത് തന്നെ സൂപ്പര്‍ സ്റ്റാര്‍ ആകാന്‍ വേണ്ടിയാണെന്നുമാണ് ദുല്‍ഖര്‍ പങ്കുവെച്ചിരിക്കുന്നത്. ഫേസ്ബുക്കിലാണ് പ്രണവിനു ദുല്‍ഖര്‍ ആശംസ അറിയിച്ചത്. തനിക്ക് ഇല്ലാതെ പോയ കുഞ്ഞനുജനാണ് പ്രണവെന്നും കയ്യടികളുമായി എന്നും പ്രണവിനൊപ്പമുണ്ടാകുമെന്നും ദുല്‍ഖര്‍ ഫേസ്ബുക്കില്‍ കുറിച്ചു.
ആദി നാളെ ഇരുനൂറോളം കേന്ദ്രങ്ങളില്‍ പ്രദര്‍ശനത്തിനെത്തും. ആശിര്‍വാദിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിച്ചിരിക്കുന്നത്. പ്രണവിനൊപ്പം ഒരു വമ്പന്‍ താരനിര തന്നെ ചിത്രത്തിലുണ്ട്.
Post Your Comments