മറ്റൊരു താരോദയത്തിനു കൂടി ഈ വെള്ളിയാഴ്ച സാക്ഷ്യം വഹിക്കും, മോഹന്‍ലാലിന്‍റെ ആരാധകര്‍ ഉള്‍പ്പടെയുള്ളവര്‍ പ്രണവ് ചിത്രം ‘ആദി’യെ സ്വീകരിക്കാന്‍ തയ്യാറായി കഴിഞ്ഞു, കേരളത്തില്‍ ഫാന്‍സ് ഷോ ഉള്‍പ്പടെയുള്ള ആഘോഷ പരിപാടികളോടെയാണ് ‘ആദി’യെ അവര്‍ വരവേല്‍ക്കുന്നത്. ചിത്രത്തിന്റെ രണ്ടാം ടീസര്‍ കഴിഞ്ഞ ദിവസം എത്തിയതോടെ ആരാധകര്‍ കൂടുതല്‍ ആകാംഷയോടെ കാത്തിരിക്കുകയാണ് . ഇമോഷണല്‍ ത്രില്ലര്‍ ശൈലിയിലുള്ള ‘ആദി’ സംവിധാനം ചെയ്തിരിക്കുന്നത് ജിത്തു ജോസഫാണ്. ആശിര്‍വാദ് നിര്‍മ്മിക്കുന്ന ചിത്രം കേരളത്തിലെ ഇരുനൂറോളം കേന്ദ്രങ്ങളില്‍ പ്രദര്‍ശനത്തിനെത്തും.
നവാഗതനായ ഷംദത്ത് സൈനുദീന്‍ സംവിധാനം ചെയ്യുന്ന മമ്മൂട്ടിയുടെ സ്ട്രീറ്റ് ലൈറ്റ്സും അതേ ദിവസം പ്രദര്‍ശനത്തിനെത്തും. ആക്ഷന് പ്രാധാന്യ നല്‍കിയിരിക്കുന്ന ചിത്രത്തില്‍ മമ്മൂട്ടി വീണ്ടും പോലീസ് വേഷമണിയുകയാണ്. ‘കസബ’യിലെ കഥാപാത്രത്തിന് ശേഷമാണ് മമ്മൂട്ടിയുടെ പുതിയ പോലീസ് വേഷം പ്രേക്ഷകരെ ഹരം കൊള്ളിക്കാനെത്തുന്നത്. മമ്മൂട്ടിയുടെ നിര്‍മ്മാണ കമ്പനിയായ പ്ലേ ഹൗസ് ആണ് ചിത്രത്തിന്റെ നിര്‍മ്മാണം.
Post Your Comments