മലയാളികളുടെ സ്വന്തം യുവതാരം ദുല്‍ഖര്‍ സല്‍മാന്‍ ബോളിവുഡ് കീഴടക്കാൻ ഒരുങ്ങുന്നു . അനുരാഗ് കശ്യപിന്റെ ചിത്രത്തിലെ നായക വേഷം നഷ്ടപ്പെട്ടതിന് പിന്നാലെ സോനം കപൂറിന്റെ നായകനാകുന്നതായി വിവരങ്ങള്‍ പുറത്തുവരുന്നു. റോണി സ്‌ക്രൂവാലയുടെ കര്‍വാന്‍ എന്ന ഇര്‍ഫാന്‍ ഖാന്‍ ചിത്രത്തിലൂടെയാണ് ബോളിവുഡില്‍ അരങ്ങേറ്റം നടത്തുന്നത്.
ദ് സോയാ ഫാക്ടര്‍ എന്ന 2008 ലെ നോവല്‍ അടിസ്ഥാനപ്പെടുത്തി ഒരുക്കുന്ന ചിത്രത്തിലാണ് സോനം കപൂറിന്റെ നായകനായി ദുല്‍ഖര്‍ എത്തുന്നത്. ചിത്രത്തിന്റെ തിരക്കഥ ദുല്‍ഖറിന് ഇഷ്ടമായെങ്കിലും ഇതുവരെയായി കരാര്‍ ഒപ്പിട്ടിട്ടില്ലെന്നാണ് അറിയാന്‍ കഴിയുന്നത്.അനുജാ ചൗഹാന്റെ നോവലാണ് ദ് സോയാ ഫാക്ടര്‍. ഇതില്‍ സോയ ആയിട്ടാണ് സോനം കപൂര്‍ എത്തുന്നത്. താന്‍ ഈ ചിത്രത്തിന്റെ ഭാഗമാണെന്ന കാര്യം സോനം നേരത്തെ തന്നെ സ്ഥിരീകരിച്ചിരുന്നു.
Post Your Comments