വിവാഹ ശേഷം അങ്ങനെയൊരു ചരിത്രം മലയാള സിനിമയില്‍ സംഭവിച്ചിട്ടില്ല,
മലയാളത്തിലെ യുവ താരങ്ങളില്‍ഏറെ ശ്രദ്ധേയനായ നടനാണ് ഫഹദ് ഫാസില്‍. ഫാന്‍സ്‌ അസോസിയേഷന്‍ വേണ്ടന്ന തീരുമാനവും ഫഹദിനെ പ്രേക്ഷകര്‍ക്കിടയില്‍ വേറിട്ട്‌ നിര്‍ത്തുന്നു. ഫഹദിന്റെ ഭാര്യയും നടിയുമായ നസ്രിയയും ചുരുങ്ങിയ കാലയളവിനുള്ളില്‍ പ്രേക്ഷക പ്രീതി നേടിയ നായികയാണ്. വിവാഹശേഷം അഞ്ജലി മേനോന്‍ ചിത്രത്തിലൂടെ നസ്രിയ തിരിച്ചെത്തുമ്പോള്‍ മറ്റൊരു വാര്‍ത്തയാണ് ഇപ്പോള്‍ മോളിവുഡ് സിനിമാ ലോകത്ത് നിന്ന് പുറത്തു വരുന്നത്. ഫഹദ് ഫാസില്‍ നായകനാകുന്ന അന്‍വര്‍ റഷീദ് ചിത്രത്തില്‍ നസ്രിയ ഫഹദിന്റെ നായികയാകുമെന്നാണ് പുതിയ റിപ്പോര്‍ട്ട്, അങ്ങനെ സംഭവിച്ചാല്‍ മലയാള സിനിമയിലെ അപൂര്‍വ്വ റെക്കോഡിന് ഉടമയാകും ഈ താരദമ്പതികള്‍. വിവാഹശേഷം ആരും തന്നെ ഒരു മലയാള സിനിമയില്‍ ജോഡികളായി അഭിനയിച്ചിട്ടില്ല. എന്നാല്‍ ചിത്രത്തിന്‍റെ അണിയറപ്രവര്‍ത്തകര്‍ ഇത് സംബന്ധിച്ച് ഒദ്യോഗിക പ്രഖ്യാപനം നടത്തിയിട്ടില്ല. ഫഹദ്-നസ്രിയ താരദമ്പതികളെ വൈകാതെ തന്നെ ബിഗ്‌സ്ക്രീനില്‍ കാണാമെന്ന പ്രതീക്ഷയിലാണ് ആരാധകര്‍.
Post Your Comments