വളരെ ശാന്തതയോടെയാണ് സൂപ്പര്‍ താരം വിജയ് സേതുപതിയുടെ പെരുമാറ്റം. നടനെന്ന നിലയില്‍ മാത്രമല്ല വ്യക്തി എന്ന നിലയിലും വിജയ് സേതുപതി സിനിമാ പ്രേമികള്‍ക്ക് പ്രിയങ്കരനാണ്, എന്നാല്‍ വിജയ് സേതുപതിയുടെ മറ്റൊരു മുഖമാണ് കഴിഞ്ഞ ദിവസം കീ എന്ന ചിത്രത്തിന്‍റെ ഓഡിയോ ലോഞ്ചിനിടെ കണ്ടത്. ഓഡിയോ ലോഞ്ചിലെത്തിയ ചില നിര്‍മ്മതാക്കാള്‍ അവരുടെ സംഘടന പ്രശ്നം ചര്‍ച്ച ചെയ്തതാണ് വിജയ് സേതുപതിയെ ചൊടിപ്പിച്ചത്.
സിനിമയിലെ മാസ് സ്റ്റൈല്‍ എന്ന പോലെ ആ വേദിയില്‍ നിന്ന് വാക്ക് ഔട്ട് നടത്തിത്താന്‍ ശ്രമിച്ച വിജയ് സേതുപതിയെ സംഘാടകര്‍ അനുനയിപ്പിച്ച് സ്ഥിതി ശാന്തമാക്കുകയായിരുന്നു. വിജയ് സേതുപതിയുടെ പ്രവൃത്തിക്ക് സോഷ്യല്‍ മീഡിയയില്‍ ഒട്ടേറെ പിന്തുണ ലഭിച്ചു. അദ്ദേഹം ഒരു മനുഷ്യനാണെന്നും അരുതാത്തത് കണ്ടാല്‍ നിയന്ത്രണം വിടുമെന്നുമായിരുന്നു ഭൂരിഭാഗം പേരുടെയും അഭിപ്രായം. അപ്രതീക്ഷിതമായ താരത്തിന്റെ ഇത്തരം പെരുമാറ്റം ചിലരെയെങ്കിലും അത്ഭുതപ്പെടുത്താതിരുന്നില്ല.
Post Your Comments