മലയാളത്തിന്റെ യുവതാരം പൃഥ്വിരാജ് നായകനാകുന്ന പുതിയ ചിത്രമാണ് ‘ദി ബ്യൂട്ടിഫുള്‍ ഗെയിം’.ഫാഷന്‍ ഫോട്ടോഗ്രാഫര്‍ ജമേഷ് കോട്ടക്കല്‍ ആദ്യമായി സംവിധാനം ചെയ്യുന്ന ചിത്രമാണിത്. ചിത്രത്തില്‍ നിരവധി കായിക താരങ്ങളും അണിനിരക്കുന്നുണ്ട്.
മലപ്പുറത്തിന്റെ ഫുട്‌ബോള്‍ പശ്ചാത്തലത്തിലാണ് ചിത്രം ഒരുങ്ങുന്നത്. ആസിഫ് അലി നിർമിക്കുന്ന ചിത്രത്തിന്റെ തിരക്കഥ അജയ് കുമാറാണ് നിർവഹിക്കുന്നത്.ചിത്രത്തിന്റെ അവസാന ഘട്ട ചര്‍ച്ചയിലാണെന്ന് അണിയറ പ്രവര്‍ത്തകര്‍ പറഞ്ഞു.
പൃഥ്വിരാജിനെ ഫുട്‌ബോള്‍ ചലനങ്ങള്‍ പഠിപ്പിക്കുന്നതിനായി പ്രശസ്ത ഹോളിവുഡ് സ്‌പോര്‍ട്‌സ് ആക്ഷന്‍ ഡയരക്ടര്‍ റോബ് മില്ലര്‍ ചിത്രത്തിന് വേണ്ടി എത്തുന്നുണ്ട്.ചക് ദേ ഇന്ത്യ, മേരി കോം, ബാഗ് മില്‍ഖ ബാഗ് തുടങ്ങിയ സൂപ്പര്‍ഹിറ്റ് ബോളിവുഡ് ചിത്രങ്ങളുടെയും ജോണ്‍ മില്ലര്‍ മസ്റ്റ് ഡൈ, ലൈന്‍സ് ടു ബാഡ്, വണ്‍ ത്രീ ഹില്‍, ദി ഓഫീസ് തുടങ്ങിയ ഹോളിവുഡ് ചിത്രങ്ങളുടെയും സ്‌പോര്‍ട്‌സ് ആക്ഷന്‍ രംഗങ്ങള്‍ റോബ് സംവിധാനം ചെയ്തിട്ടുണ്ട്
Post Your Comments