മോഹന്ലാലിന്റെ അഭിനയ ജീവിതത്തിലെ അവിസ്മരണീയമായ കഥാപാത്രങ്ങളില്‍ ഒന്നായിരുന്നു ‘തന്മാത്ര’ എന്ന ചിത്രത്തിലേത്. ‘അല്‍ഷിമേഴ്സ്’ രോഗിയായിട്ടുള്ള മോഹന്ലാലിന്റെ പ്രകടനം പ്രേക്ഷകരെ ശരിക്കും ഞെട്ടിച്ചു. സംസ്ഥാന പുരസ്കാരം ഉള്‍പ്പടെ മോഹന്‍ലാല്‍ നിരവധി പുരസ്കാരങ്ങള്‍ ചിത്രത്തിലൂടെ സ്വന്തമാക്കി. ബ്ലെസ്സി സംവിധാനം ചെയ്ത ചിത്രത്തില്‍ മീരവാസുദേവന്‍ ആയിരുന്നു മോഹന്ലാലിന്റെ നായികായി അഭിനയിച്ചത്. ചിത്രത്തിലെ രമേശന്‍ നായരുടെ കുടുംബത്തെ സ്വന്തം കുടുംബത്തെപ്പോലെയാണ് പ്രേക്ഷകര്‍ സ്നേഹിച്ചത്.
ഇതാ ആ കുടുംബം വീണ്ടും നിങ്ങള്‍ക്ക് മുന്നിലെത്തുകയാണ്, മിനി സ്ക്രീനിലാണ് പ്രേക്ഷകരുടെ സ്വന്തം തന്മാത്ര കുടുംബം വീണ്ടുമെത്തുന്നത്.അമൃത ടിവിയിലെ ലാല്‍ സലാം ഷോയിലാണ് ബ്ലെസ്സി ഉള്‍പ്പടെയുള്ളവര്‍ ചിത്രത്തിന്‍റെ വിശേഷങ്ങളുമായി എത്തുന്നത്. സംവിധായകന്‍ ബ്ലെസ്സി, നടി മീരവാസുദേവന്‍, മോഹന്ലാലിന്റെ മകനായി അഭിനയിച്ച നടന്‍ അര്‍ജുന്‍ ലാല്‍, ചിത്രത്തിന് സംഗീതം നിര്‍വഹിച്ച മോഹന്‍സിത്താര എന്നിവര്‍ ഷോയില്‍ പങ്കെടുക്കും. ഈ വരുന്ന ശനി,ഞായര്‍ ദിവസങ്ങളില്‍ രാത്രി എട്ടുമണിക്കാണ് ഷോയുടെ സംപ്രേഷണം.
Post Your Comments