വിനയന്‍ സംവിധാനം ചെയ്ത സൂപ്പര്‍സ്റ്റാര്‍ എന്ന ചിത്രത്തിലൂടെ മോഹന്‍ലാലിന്റെ അപരനായി എത്തിയ ദന്‍ലാല്‍ സിനിമയിലേക്ക് മടങ്ങിയെത്തുന്നു. വിനയന്‍ സംവിധാനം ചെയ്യുന്ന ചാലക്കുടിക്കാരന്‍ ചങ്ങാതിയിലാണ് മദന്‍ലാല്‍ അഭിനയിക്കുന്നത്.
1990ല്‍ പുറത്തിറങ്ങിയ സൂപ്പര്‍സ്റ്റാര്‍ വിനയന്റെ അരങ്ങേറ്റ ചിത്രം കൂടിയായിരുന്നു. മോഹന്‍ലാലിനോടുള്ള രൂപസാദൃശ്യം മദന്‍ലാലിന് ഏറെ ശ്രദ്ധ നേടിക്കൊടുത്തു. ജഗതി ശ്രീകുമാര്‍, ജഗദീഷ്, മാമുക്കോയ, കല്പന, ഇന്നസെന്റ് തുടങ്ങി വലിയൊരു താരനിരയും ഇതില്‍ അണിനിരന്നു.
ഹാപ്പി വെഡ്ഡിങ് തമിഴിലേയ്ക്ക്; നായകന്‍ സൂപ്പര്‍താരം
പ്രിയതാരം കലാഭവന്‍ മണിക്കുള്ള സമര്‍പ്പണമായാണ് വിനയന്‍ ചാലക്കുടിക്കാരന്‍ ചങ്ങാതി ഒരുക്കുന്നത്. ആല്‍ഫാ ഫിലിംസാണ് നിര്‍മ്മാണം. ഏതാനും വര്‍ഷങ്ങളുടെ ഇടവേളയ്ക്ക് ശേഷം വിനയന്‍ മടങ്ങിവരുന്ന ചിത്രം കൂടിയാണിത്. സെന്തില്‍ നായകനാകുന്ന ചിത്രത്തില്‍ രമേഷ് പിഷാരടി, സലിം കുമാര്‍, ജനാര്‍ദ്ദനന്‍, ഹണി റോസ് തുടങ്ങിയവരും അണിനിരക്കുന്നു.
Post Your Comments