‘വിമാനം’ എന്ന സിനിമയുടെ പരാജയം പൃഥ്വിരാജ് എന്ന നടന് വലിയ തിരിച്ചടിയാണ് സമ്മാനിച്ചത്. അംഗവൈകല്യത്തെ അതിജീവിച്ച് ജീവിത വിജയം നേടിയ സജി തോമസ്‌ എന്ന ചെറുപ്പക്കാരന്റെ റിയല്‍ലൈഫ് ആണ് വിമാനമെന്ന ചിത്രം ഒരുക്കാന്‍ പ്രചോദനമായാത്. പ്രണയം അതിന്റെ ഏറ്റവും സത്യസന്ധതയോടെ അവതരിപ്പിച്ച വിമാനത്തില്‍ ‘പൃഥ്വിരാജിന്‍റെ വെങ്കിടി എന്ന കഥാപാത്രത്തിന് പുറമേ നടി ദുര്‍ഗ്ഗ കൃഷ്ണയുടെ കഥാപാത്രവും ഏറെ ശ്രദ്ധിക്കപ്പെട്ടിരുന്നു,
നര്‍ത്തകിയായിരുന്ന ദുര്‍ഗ്ഗ കൃഷ്ണയ്ക്ക് തന്റെ പതിനാറാം വയസ്സില്‍ സിനിമയില്‍ അഭിനയിക്കാന്‍ അവസരം കിട്ടിയിരുന്നു, എന്നാല്‍ ദുര്‍ഗ്ഗ സിനിമയില്‍ അഭിനയിക്കണ്ട എന്ന തീരുമാനം എടുക്കുകയായിരുന്നു. പക്ഷെ ഇപ്പോള്‍ സിനിമയിലെത്തിയതിന്റെ കാരണം ‘പൃഥ്വിരാജ്’ ആണെന്നാണ്‌ ദുര്‍ഗ്ഗ പങ്കുവയ്ക്കുന്നത്.
വിമാനത്തിലെ കഥാപാത്രം നന്നായി ചെയ്തിട്ടുണ്ടെന്നാണ് തന്റെ വിശ്വാസമെന്നും, പുതിയ സിനിമകള്‍ വരുന്നുണ്ടെങ്കിലും ഒന്നും തീരുമാനമായിട്ടില്ലെന്നും ദുര്‍ഗ്ഗ വനിതയ്ക്ക് നല്‍കിയ അഭിമുഖത്തില്‍ പറയുന്നു.
Post Your Comments