ഷറപ്പോവയ്ക്ക് സച്ചിനെ അറിയില്ല എന്ന വാര്‍ത്ത കേട്ടതോടെ മലയാളികള്‍ ഷറപ്പോവയുടെ ഫേസ്ബുക്ക് പേജില്‍ തെറിവിളി നടത്തുകയുണ്ടായി. എന്നാല്‍ സച്ചിന് തമിഴ് സൂപ്പര്‍ താരം വിക്രത്തെ അറിയില്ല എന്ന് പറഞ്ഞാല്‍ ശരിക്കും നമ്മളൊന്ന് അമ്പരക്കും സംഗതി സത്യമാണ്. അമിതാഭ് ബച്ചന്‍, ആമീര്‍ ഖാന്‍, രജനികാന്ത് തുടങ്ങിയവരെയൊക്കെ സച്ചിന് അറിയാം, അത് പോലെ ഇവര്‍ക്കൊക്കെ വിക്രത്തെയും അറിയാം പക്ഷെ സച്ചിന് എന്ന ഇതിഹാസത്തിന് വിക്രം എന്ന നടനെ അറിയില്ല, ഇതിനെക്കുറിച്ച് തുറന്നു പറഞ്ഞത് സൂപ്പര്‍ താരം വിക്രം തന്നെയാണ്. ഒരേ ഫ്ലൈറ്റില്‍ തൊട്ടടുത്തിരുന്ന സീറ്റില്‍ യാത്ര ചെയ്തപ്പോഴാണ് വിക്രം ആ ദുഖരമായ സത്യം മനസിലാക്കുന്നത്.
സംഭവത്തെക്കുറിച്ച് വിക്രം പറയുന്നതിങ്ങനെ
“എനിക്ക് ആദ്യത്തെ റോയില്‍ വിന്‍ഡോ സീറ്റ് കിട്ടിയില്ല. ഞാന്‍ ഒരു തൊപ്പിവച്ചിരുന്നു. സാധാരണ യാത്ര ചെയ്യുമ്പോള്‍ ആളുകള്‍ വന്ന് എന്നെ പരിചയപ്പെടാറുണ്ട്. പെട്ടന്നൊരാള്‍ വന്ന് ‘സച്ചിന് സച്ചിന്’ എന്ന് പറയുന്നത് കേട്ടു. ഒരാള്‍ പെട്ടന്ന് എനിക്കപ്പുറം കടന്ന് സീറ്റിലിരുന്നു. ഞാന്‍ ഞെട്ടി. ‘എന്റെ ദൈവമേ സച്ചിന്’. പക്ഷേ അദ്ദേഹത്തിന്റെ മുഖത്ത് ഒരു ഭാവവത്യാസവും ഉണ്ടായില്ല. അദ്ദേഹം ഹായ് പറഞ്ഞു. ഞാന്‍ വിചാരിച്ചു അദ്ദേഹത്തിന് എന്നെ അറിയാമെന്ന്. കാരണം അമിതാഭ് ബച്ചന്‍, ഷാരൂഖ് ഖാന്‍, ധോണി, മഹാരാഷ്ട്ര മുഖ്യമന്ത്രിക്ക് പോലും എന്നെ അറിയാം. ക്ഷേ സച്ചിന് എന്നെ അറിയില്ല എന്ന ആ സത്യം ഞാന്‍ വളരെ ദുഖത്തോടെ മനസ്സിലാക്കി. എനിക്ക് വല്ലാത്ത അസ്വസ്ഥത തോന്നി. ഞാന്‍ ഒരു ധോണി ഫാനാണ്. പക്ഷേ സച്ചിനെ എനിക്ക് ഭയങ്കര ഇഷ്ടമാണ്. അദ്ദേഹത്തിനെ ആര്‍ക്കാണ് ഇഷ്ടമല്ലാത്തത്. അദ്ദേഹം കൂടുതല്‍ വിദേശ ചിത്രങ്ങളാണ് കാണാറുള്ളത്. അതുകൊണ്ടാണ് എന്നെ തിരിച്ചറിയാതെ പോയത്, ആ രണ്ട് മണിക്കൂറിനുള്ളില്‍ ഞങ്ങള്‍ ഒരുപാട് കാര്യങ്ങള്‍ സംസാരിച്ചു. ഞാന്‍ ഭാര്യയ്ക്കടക്കം എല്ലാവര്‍ക്കും മെസേജ് അയച്ചു ഞാനിപ്പോള്‍ ഇരിക്കുന്നത് സച്ചിനൊപ്പം ആണെന്ന്.
Post Your Comments