മലയാളത്തില്‍ തിളങ്ങിയ നടിമാര്‍ അന്യഭാഷാ ചിത്രങ്ങളിലേക്ക് കടക്കുന്നത് സ്വാഭാവികമാണ്. അങ്ങനെ തമിഴ് തെലുങ്ക് സിനിമാ മേഖലയില്‍ വിജയക്കൊടി പാറിച്ചവരാണ് കീര്‍ത്തി സുരേഷ്, സായി പല്ലവി, നിവേദ തോമസ് തുടങ്ങിയ നടിമാര്‍. ഇപ്പോഴിതാ ആ നിരയിലേക്ക് ദിലീപിന്റെ നായികയായി മലയാള സിനിമയിലെത്തിയ നിഖില വിമലും. മെദ മീഡ അഭയ് എന്ന ചിത്രത്തിലൂടെ തെലുങ്ക് ഇന്റസ്ട്രിയിലേക്ക് കടക്കുകയാണ് നിഖില. വിനീത് ശ്രീനിവാസന്‍ സംവിധാനം ചെയ്ത ഒരു വടക്കന്‍ സെല്‍ഫിയുടെ റീമേക്കുമായിട്ടാണ് നിഖില തെലുങ്കിലേക്ക് പോകുന്നത്. ചിത്രത്തില്‍ മഞ്ജിമ അവതരിപ്പിച്ച കഥാപാത്രമായി നിഖില എത്തുന്നു.
ഭാഗ്യ ദേവത എന്ന ചിത്രത്തിലൂടെ സിനിമാ ലോകത്തെത്തിയ നിഖില വിമല്‍ ലവ് 24*7 ചിത്രത്തിലൂടെയാണ് നായികയായി അരങ്ങേറിയത്. ചിത്രത്തില്‍ ദിലീപിന്റെ ശക്തമായ നായികാ കഥാപാത്രമായിരുന്നു. ലവ് 24*7 എന്ന ചിത്രത്തിന് ശേഷം നിഖില വെട്രിവേല്‍ എന്ന തമിഴ് ചിത്രത്തില്‍ ശശികുമാറിന്റെ നായികയായി. വീണ്ടും കിടാരി എന്ന ചിത്രത്തിലും ശശികുമാറിനൊപ്പം അഭിനയിച്ചു. പഞ്ചിമുട്ടായി, ഒന്‍പത് കുഴി സമ്പത്ത്, രംഗ എന്നിവയാണ് നിഖിലയുടെ മറ്റ് ചിത്രങ്ങള്‍. അരവിന്ദന്റെ അതിഥികള്‍ എന്ന മലയാള സിനിമയിലും നിഖില അഭിനയിക്കുന്നുണ്ട്.
Post Your Comments