‘പ്രമുഖനല്ലാത്ത ശ്രീജിത്തിനൊപ്പം’ പ്രമുഖനായ താരം

സ്വന്തം സഹോദരന്‍റെ നീതിക്കായി തിരുവനന്തപുരത്ത് സെക്രട്ടേറിയറ്റിന് മുന്നിൽ സത്യാഗ്രഹ സമരം നടത്തുന്ന ശ്രീജിത്തിന് പിന്തുണയുമായി നടൻ പൃഥ്വിരാജ് രംഗത്ത്. ഫേസ്ബുക്ക് പോസ്റ്റിലൂടെയാണ് പൃഥ്വി ശ്രീജിത്തിന് പിന്തുണയറിയിച്ചത്.
“നിങ്ങൾ തേടിക്കൊണ്ടിരിക്കുന്ന സത്യം കൈവരിക്കുമാറാവട്ടെ.നിങ്ങൾ അർഹിക്കുന്ന നീതി നിങ്ങൾക്ക് ലഭ്യമാവട്ടെ” പൃഥ്വി ഫേസ്ബുക്കില്‍ കുറിച്ചു.

“ഇത് നിങ്ങൾ ചെയ്യുന്നത് സ്വന്തം കുടുംബത്തിനും സഹോദരനും വേണ്ടിയായിരിക്കാം. എന്നാല്‍, കഴിഞ്ഞ രണ്ട് വർഷത്തെ പോരാട്ടം നിങ്ങൾ, നിശബ്ദതയും സമാധാനപരമായ സമരങ്ങളും മറന്ന ഒരു തലമുറയ്ക്ക് മുന്നിൽ പ്രതീക്ഷയുടെ ആൾരൂപമായി മാറുകയാണ് നിങ്ങൾ ചെയ്തത്. നന്ദി സഹോദര. നിങ്ങൾക്ക് ചുറ്റുള്ള സമൂഹ മനസാക്ഷിയെ തൊട്ടുണർത്തിയതിന്.”